இந்தியன் பிரீமியர் லீக் 2024 தொடர் நாளை (வெள்ளிக்கிழமை) இரவு 8 மணிக்கு கண்கவர் கலை நிகழ்ச்சியுடன் கோலாகலமாக தொடங்குகிறது. சென்னை சேப்பாக்கத்தில் உள்ள எம்.ஏ.சிதம்பரம் மைதானத்தில் நடக்கும் தொடக்க ஆட்டத்தில், நடப்பு சாம்பியன் சென்னை சூப்பர் கிங்ஸ் அணியும், ஃபாஃப் டு பிளெசிஸ் தலைமையிலான பெங்களூரு ராயல் சேலஞ்சர்ஸ் அணியும் மோத உள்ளன.
சென்னை அணியில் மாற்றம்:
சென்னை அணியில் நீண்டகால கேப்டனாக இருந்த எம்.எஸ் தோனி, தனது கேப்டன் பதவியை அதிரடி வீரர் ருதுராஜ் கெய்க்வாட்டுக்கு ஒப்படைத்துள்ளார். இருப்பினும், தோனி அணிக்கு பக்க பலமாக இருந்து வழிநடத்துவார் என்று எதிர்பார்க்கப்படுகிறது.
அணிகளின் பலம்:
சென்னை சூப்பர் கிங்ஸ்: பேட்டிங் வரிசையில் எம்.எஸ் தோனி, அஜிங்க்யா ரஹானே, ருதுராஜ் கெய்க்வாட், ரச்சின் ரவீந்திரா, டேரில் மிட்செல், சமீர் ரிஸ்வி போன்ற வீரர்கள் உள்ளனர். ஆல்-ரவுண்டர்களாக சிவம் துபே, மொயீன் அலி, ரவீந்திர ஜடேஜா, மிட்செல் சான்ட்னர் களமிறங்குவார்கள். வேகப்பந்துவீச்சில் தீபக் சாஹர், துஷார் தேஷ்பாண்டே, ராஜ்வர்தன் ஹங்கர்கேகர், சிமிஷாந்த் சிங், முஸ்தாபிசுர் ரஹ்مان, ஷர்துல் தாக்கூர் ஆகியோர் மிரட்ட உள்ளனர்.
பெங்களூரு ராயல் சேலஞ்சர்ஸ்: வேகப்பந்துவீச்சில் முகமது சிராஜ், அல்ஜாரி ஜோசப், ரீஸ் டாப்லி, ஆகாஷ்தீப் சிங், லாக்கி பெர்குசன் தாக்குப்படுத்துவார்கள். பேட்டிங்கில் விராட் கோலி, ஃபாஃப் டு பிளெசிஸ், ரஜத் படிதார், கிளென் மேக்ஸ்வெல், கேமரூன் கிரீன், மஹிபால் லோம்ரோர், தினேஷ் கார்த்திக் களமிறங்குவார்கள். சுழற்பந்துவீச்சுக்கு கர்ண் ஷர்மா பொறுப்பு வகிப்பார்.
எதிர்பார்ப்பு:
இந்த ஆட்டம் இரு அணிகளுக்கும் மிக முக்கியமானது. கடந்த சீசனில் சாம்பியன் பட்டத்தை வென்ற சென்னை அணி, அதே பட்டத்தை இந்த சீசனிலும் தக்க வைத்துக் கொள்ள தவறாமல் முயற்சி செய்யும். அதேநேரத்தில், இதுவரை கோப்பை வெல்லாத பெங்களூர் அணி, இந்த சீசனில் தங்கள் முதல் கோப்பையை வெல்லும் முனைப்பில் இருக்கும்.
இரு அணி வீரர்கள் பட்டியல்:
ராயல் சேலஞ்சர்ஸ் பெங்களூரு: ஃபாஃப் டு பிளெசிஸ் (கேப்டன்), கிளென் மேக்ஸ்வெல், விராட் கோலி, ரஜத் படிதார், அனுஜ் ராவத், தினேஷ் கார்த்திக், சுயாஷ் பிரபுதேசாய், வில் ஜாக்ஸ், மஹிபால் லோம்ரோர், கர்ண் ஷர்மா, மனோஜ் பந்தேஜ், மயங்க் டாகர், விஜய்குமார் வைஷாக், ஆகாஷ் தீப், முகமது சிராஜ், ரீஸ் டாப்லி, ஹிமான்ஷு சர்மா, ராஜன் குமார், கேமரூன் கிரீன், அல்ஜாரி ஜோசப், யாஷ் தயாள், டாம் குர்ரன், லாக்கி பெர்குசன், ஸ்வப்னில் சிங், சவுரவ் சவுகான்.
சென்னை சூப்பர் கிங்ஸ்: எம்எஸ் தோனி (கேப்டன்), மொயீன் அலி, தீபக் சாஹர், துஷார் தேஷ்பாண்டே, சிவம் துபே, ருதுராஜ் கெய்க்வாட், ராஜ்வர்தன் ஹங்கர்கேகர், ரவீந்திர ஜடேஜா, அஜய் மண்டல், முகேஷ் சவுத்ரி, அஜிங்க்யா ரஹானே, ஷேக் ரஷீத், மிட்செல் சான்ட்னர், சிந்து சிமிஷாந்த் சிங். பிரசாந்த் சோலங்கி, மகேஷ் தீக்ஷனா, ரச்சின் ரவீந்திரா, ஷர்துல் தாக்கூர், டேரில் மிட்செல், சமீர் ரிஸ்வி, முஸ்தாபிசுர் ரஹ்மான், அவனிஷ் ராவ் ஆரவெல்லி.
காயமடைந்த வீரர்கள்: டெவோன் கான்வே, மதீஷா பத்திரனா