கட்டுப்பாடில்லாத உணவு பழக்கவழக்கம் மற்றும் உடற்பயிற்சி இல்லாததால் உடலில் தொப்பை உருவாகிறது. இதை குறைக்க பல முயற்சிகள் மேற்கொள்ளப்பட்டாலும், ஆரோக்கியமான உணவு பழக்கவழக்கம் மிகவும் முக்கியமானது.
காலையில் செய்ய வேண்டிய 5 எளிய வழிகள்:
உடற்பயிற்சி:
காலையில் எழுந்ததும் நடைபயிற்சி, யோகா அல்லது உடற்பயிற்சி செய்வது உடலில் உள்ள ஆற்றலை தூண்டி, நாள் முழுவதும் புத்துணர்ச்சியுடன் வைத்திருக்கும்.
எலுமிச்சை தண்ணீர்:
காலையில் எழுந்தவுடன் வெந்நீரில் எலுமிச்சை சாறு கலந்து குடிப்பதால் கலோரிகளை வேகமாக குறைக்கவும், வளர்சிதை மாற்றத்தை துரிதப்படுத்தவும் உதவும்.
ஆரோக்கியமான காலை உணவு:
தினமும் தவறாமல் ஆரோக்கியமான காலை உணவை உட்கொள்ள வேண்டும். காலை உணவில் புரதம், நார்ச்சத்து மற்றும் சத்தான உணவுகளை சேர்க்க வேண்டும்.
இஞ்சி தண்ணீர்:
காலையில் எழுந்ததும் வெந்நீரில் இஞ்சி சாறு கலந்து குடிப்பதால் வளர்சிதை மாற்றம் துரிதப்படுத்தப்படும். மேலும், இது தொப்பை கொழுப்பை கரைத்து உடல் எடையை குறைக்க உதவுகிறது.
போதுமான தூக்கம்:
தினமும் இரவில் போதுமான தூக்கம் (7-8 மணி நேரம்) இருப்பது மிகவும் அவசியம். சரியான அளவு உறக்கம் விரைவான எடை இழப்புக்கு உதவுகிறது.