தமிழ் சினிமாவின் முன்னணி நடிகராக வலம் வருபவர் அஜித். தற்போது மகிழ் திருமேனியின் இயக்கத்தில் விடாமுயற்சி படத்தில் நடித்து வருகிறார். இந்தப் படத்தின் படப்பிடிப்பு அஜர்பைஜானில் விறுவிறுப்பாக நடைபெற்று வருகிறது.
இந்நிலையில், அஜித்தின் அடுத்த படத்தை இயக்குனர் ஆதிக் ரவிச்சந்திரன் இயக்க இருப்பதாக தகவல்கள் வெளியாகியுள்ளன. அஜித்தின் தீவிரமான ரசிகரான ஆதிக் ரவிச்சந்திரன் சமீபத்தில் மார்க் ஆண்டனி என்ற வெற்றிப்படத்தை கொடுத்தார். அதன் பிறகு அஜித்தை சந்தித்து கதை சொல்லி ஓகே செய்துள்ளார் ஆதிக்.
இந்நிலையில், அஜித்தின் 63 ஆவது திரைப்படத்தை ஆதிக் இயக்குவது கிட்டத்தட்ட உறுதியாகியுள்ளது. மேலும், இப்படம் காமெடி படமாக இருக்கும் என்றும், சமீபகாலமாக அஜித் நடிப்பில் வெளியான படங்களில் இருந்து முற்றிலும் மாறுபட்ட ஒரு படமாக இருக்கும் என்றும் தகவல்கள் வருகின்றன.
அஜித் தற்போது விடாமுயற்சி படத்தில் நடித்து வரும் நிலையில், அப்படத்தின் பெரும்பாலான படப்பிடிப்பு முடிவடைந்துள்ளதாக தெரிகிறது. அஜித்தின் அடுத்த படத்தை பிப்ரவரி மாதம் துவங்கவுள்ளதால், விரைவில் விடாமுயற்சி படத்தை முடிக்குமாறு அஜித் மகிழ் திருமேனிக்கு கட்டளை இட்டுள்ளதாக தகவல்கள் வெளியாகியுள்ளன.
ஆனால், இதில் எந்தளவிற்கு உண்மை உள்ளது என்பது தெரியவில்லை. இருந்தாலும், AK63 திரைப்படம் மிகவும் குறுகிய காலகட்டத்திற்குள் முடிக்கப்பட்டு திரையில் வெளியாகும் என்பது உறுதியாக தெரிகிறது.
இந்நிலையில், AK63 திரைப்படத்திற்காக அஜித் ஆதிக் ரவிச்சந்திரன் போல ஒரு இளம் இயக்குனருடன் கைகோர்ப்பது அவரது ரசிகர்களால் வரவேற்கப்பட்டு வருகின்றது. கடந்த பத்து வருடங்களில் அஜித் சிவா மற்றும் வினோத்தின் இயக்கத்தில் மட்டுமே தான் நடித்து வந்தார். தற்போது தான் மகிழ் திருமேனி மற்றும் ஆதிக் ரவிச்சந்திரன் போல மற்ற இயக்குனர்களின் இயக்கத்தில் நடிக்க அஜித் ஆர்வம் காட்டி வருகின்றனர். இது அவரது ரசிகர்களால் வரவேற்கப்பட்டு வருகின்றது என்பது குறிப்பிடத்தக்கது.