தளபதி விஜய் நடிப்பில் வெளியான `பீஸ்ட்’ படத்தில் வில்லனாக நடித்த பிரபல மலையாள நடிகர் ஷைன் டாம் சாக்கோவின் இரண்டாவது திருமணம் நடைபெற உள்ளது. இந்தத் தகவல் ரசிகர்கள் மத்தியில் மகிழ்ச்சியை ஏற்படுத்தியுள்ளது.
ஷைன் டாம் சாக்கோ, கடந்த 2012 ஆம் ஆண்டு தபீதா மேத்யூஸ் என்பவரை திருமணம் செய்து கொண்டார். இந்தத் தம்பதியருக்கு ஒரு மகள் உள்ளது. ஆனால், கருத்து வேறுபாடு காரணமாக இருவரும் விவாகரத்து பெற்றனர்.
தற்போது, ஷைன் டாம் சாக்கோ தனுஜா என்பவரை காதலித்து வருவதாகத் தகவல் வெளியாகி இருந்தது. இந்தநிலையில், இருவரின் நிச்சயதார்த்தம் சமீபத்தில் நடைபெற்றுள்ளது.
நிச்சயதார்த்த புகைப்படங்களை ஷைன் டாம் சாக்கோ தனது சமூக வலைதளத்தில் வெளியிட்டுள்ளார். இந்தப் புகைப்படங்கள் ரசிகர்களிடையே வைரலாகி வருகின்றன.
ஷைன் டாம் சாக்கோவுக்கு ரசிகர்கள் வாழ்த்துக்களை தெரிவித்து வருகின்றனர். விரைவில் திருமண தேதி அறிவிக்கப்படும் என்று எதிர்பார்க்கப்படுகிறது.