தமிழ் சினிமாவின் முன்னணி காமெடி நடிகராக வலம் வருபவர் சந்தானம். இவர் நடிப்பில் சமீபத்தில் வெளியான ‘டிக்கிலோனா’ படம் ரசிகர்களை வெகுவாக கவர்ந்தது. இந்த படத்தில் சந்தானம் மூன்று வேடங்களில் நடித்திருந்தார்.
இந்நிலையில், சந்தானம் நடிப்பில் உருவாகியுள்ள ‘வடக்குப்பட்டி ராமசாமி’ படத்தின் ரிலீஸ் தேதி அறிவிக்கப்பட்டுள்ளது. இப்படம் பிப்ரவரி 2 ஆம் தேதி வெளியாகும் என படக்குழு அறிவித்துள்ளது.
இந்த தகவல் சந்தானம் ரசிகர்களை மகிழ்ச்சியடைய வைத்துள்ளது. அவர்கள் சமூக வலைதளங்களில் தங்களது மகிழ்ச்சியை வெளிப்படுத்தி வருகின்றனர்.
‘வடக்குப்பட்டி ராமசாமி’ படத்தை கார்த்திக் யோகி இயக்கியுள்ளார். டி.ஜி. விஸ்வபிரசாத் தயாரித்துள்ளார். இப்படத்தில் மேகா ஆகாஷ் கதாநாயகியாக நடித்துள்ளார். இயக்குநர் தமிழ், ஜான் விஜய், எம்.எஸ்.கர், ரவிமரியா, மொட்ட ராஜேந்திரன், லொள்ளுசபா மாறன், நிழல்கள் ரவி, சேஷூ, இட் ஈஸ் பிரசாந்த், ஜாக்குலின் உள்ளிட்ட பலர் முக்கிய வேடங்களில் நடித்துள்ளனர்.
ஷான் ரோல்டன் இசையமைக்கும் இப்படத்திற்கு ‘விட்னஸ்’ திரைப்பட இயக்குநர் தீபக் ஒளிப்பதிவு செய்துள்ளார். சிவ நந்தீஸ்வரன் படத்தொகுப்பை மேற்கொள்கிறார். ராஜேஷ் கலை இயக்குநராக பணியாற்றுகிறார்.
Santhanam’s #VadakkupattiRamasamy
From the Dir of “Dikkilona” pic.twitter.com/T2GOKwjC5z
— Christopher Kanagaraj (@Chrissuccess) January 6, 2024