தமிழ் சினிமாவின் முன்னணி நடிகர் விஜய், தற்போது வெங்கட் பிரபு இயக்கத்தில் தி கிரேட்டஸ்ட் ஆஃப் ஆல் டைம் படத்தில் நடித்து வருகிறார். இந்த படம் முடிந்த பிறகு, அவர் அடுத்து எந்த படத்தில் நடிக்கப் போகிறார் என்பது குறித்து எந்தவொரு அறிவிப்பும் இதுவரை வெளியாகவில்லை.
இந்நிலையில், விஜய்யின் அடுத்த படத்தை வேல்ஸ் நிறுவனம் தயாரிக்க முயற்சி செய்து வருவதாகவும், அந்த படத்தை பிரபல இயக்குநர் கார்த்திக் சுப்புராஜ் இயக்கப் போகிறார் என்றும் தகவல்கள் வெளியாகியுள்ளன.
ரஜினிகாந்தை வைத்து பேட்ட படத்தை இயக்கிய கார்த்திக் சுப்புராஜ், கடந்த ஆண்டு தீபாவளிக்கு வெளியான ஜிகர்தண்டா டபுள் எக்ஸ் படத்தின் மூலம் மிகப்பெரிய வெற்றியை ருசித்துள்ளார். இந்நிலையில், அடுத்து விஜய்யை வைத்து தளபதி 69 படத்தை இயக்கப் போகிறார் என்றும், விஜய்க்காக செம ஸ்க்ரிப்ட் ஒன்றையும் தயார் செய்து வைத்திருக்கிறார் என்றும் கூறப்படுகிறது.
இந்த தகவல்கள் உண்மையாக இருந்தால், விஜய் மற்றும் கார்த்திக் சுப்புராஜ் இணையும் படம் தமிழ் சினிமாவில் மிகப்பெரிய எதிர்பார்ப்பை ஏற்படுத்தும்.
இந்த தகவல் குறித்து விஜய் தரப்பில் இருந்து எந்தவொரு அதிகாரப்பூர்வ அறிவிப்பும் இதுவரை வெளியாகவில்லை.