அஜீத் குமார் நடிப்பில் உருவாகி வரும் ‘விடாமுயற்சி’ படத்தின் படப்பிடிப்பு விரைவில் தொடங்கவுள்ளது. லைக்கா புரொடக்ஷன்ஸ் மூலம் மகிழ் திருமேனி இயக்கும் இந்த ப்ராஜெக்ட் ஒரு ரேஸி என்டர்டெய்னர் ஆகும். படத்தின் பெரும்பகுதி அஜர்பைஜானில் படமாக்கப்பட்டது மற்றும் படக்குழு சமீபத்தில் படப்பிடிப்பை முடித்தது.
சமீபத்திய அறிக்கைகளின்படி, இன்னும் இரண்டு அட்டவணைகள் மீதமுள்ளன. மார்ச் மாதத்திற்குள் படப்பிடிப்பை முடிக்க திட்டமிட்டுள்ளனர். வட இந்தியா மற்றும் ஜார்ஜியாவில் கிட்டத்தட்ட 15 முதல் 20 நாட்கள் படப்பிடிப்பு நடக்கும் என்றும், புனேவில் 10 நாட்கள் படப்பிடிப்பு நடத்த திட்டமிடப்பட்டுள்ளதாகவும் தகவல் வெளியாகியுள்ளது. இப்படத்தின் ஃபர்ஸ்ட் லுக் போஸ்டரை இந்த மாதம் வெளியிட படக்குழுவினர் திட்டமிட்டுள்ளனர்.
அஜித் விடாமுயற்சி படப்பிடிப்பில் பிஸியாக இருக்கிறார். பல்வேறு இழுபறிகளுக்கு பிறகு தற்போது வேகம் எடுத்துள்ள இப்படத்தை விரைவில் முடிக்க வேண்டும் என்பதுதான் அஜித்தின் திட்டம். ஏனென்றால் இப்படத்திற்கு பிறகு அவர் அடுத்தடுத்த படங்களில் நடிக்க இருக்கிறார்.
அதில் அஜித்தின் அடுத்த படத்தை மார்க் ஆண்டனி இயக்குனர் ஆதிக் ரவிச்சந்திரன் இயக்கப் போவதாக நீண்ட நாட்களாகவே ஒரு தகவல் இருந்து வருகிறது. கிட்டத்தட்ட உறுதியான இந்த படத்திற்கு அடுத்ததாக சிறுத்தை சிவா உடன் அஜித் இணைய இருக்கிறார்.
ஏற்கனவே இவர்களின் கூட்டணியில் வீரம், விசுவாசம் ஆகிய படங்கள் வெளிவந்து சக்கை போடு போட்டது. அதையடுத்து தற்போது சூர்யாவை இயக்கி வரும் சிறுத்தை சிவா அஜித்துக்காக தரமான கதை ஒன்றை தயார் செய்து சம்மதமும் வாங்கி விட்டாராம்.
இந்த படத்திற்கு அடுத்ததாக யாருடன் நடிக்க வேண்டும் என்பதையும் அஜித் தற்போது முடிவு செய்து இருக்கிறார். அதன்படி வெற்றிமாறன் தான் அஜித்தின் 65 ஆவது படத்தை இயக்க இருக்கிறார். ஏற்கனவே விஜய்யின் கடைசி படத்தை இவர்தான் இயக்குவார் என்ற ஒரு தகவல் பரவிக் கொண்டிருக்கிறது.
ஆனால் அது எதுவும் உறுதிப்படுத்தப்படாத நிலையில் அஜித்துடன் தான் வெற்றிமாறன் இணைவார் என்ற பேச்சை இப்போது எழுந்துள்ளது. இது மட்டும் நடந்தால் நிச்சயம் வெற்றிமாறன் அஜித்தை புது அவதாரம் எடுக்க வைப்பார் என்பதில் எந்த சந்தேகமும் இல்லை.
‘விடாமுயற்சி’ படத்தில் அஜித்குமார், த்ரிஷா, அர்ஜுன், ஆரவ், ரெஜினா கசாண்ட்ரா, மேபு ஜார்ஜ் பால் மற்றும் பலர் நடித்துள்ளனர். அனிருத் ரவிச்சந்தர் இசையமைக்க, முறையே ஓம் பிரகாஷ் மற்றும் என்.பி.ஸ்ரீகாந்த் படத்தொகுப்பு மற்றும் ஒளிப்பதிவு செய்கிறார். இப்படம் 2024 மே மாதம் திரைக்கு வர உள்ளது.