நிலவுக்கு என் மேல் என்னடி கோபம் என்ற படத்தை தனுஷ் இயக்கவுள்ளார். காதல் நாடகமாக உருவாக்கப்பட்ட இந்த படத்தில் பவிஷ், அனிகா சுரேந்திரன், பிரியா பிரகாஷ் வாரியர், மேத்யூ தாமஸ், வெங்கடேஷ் மேனன், ரபியா கட்டூன், மற்றும் ரம்யா ரங்கநாதன் உள்ளிட்டோர் நடித்துள்ளனர்.
புதன்கிழமை, காதலர் தினத்தையொட்டி, தயாரிப்பாளர்கள் பவிஷ் மற்றும் அனிகா சுரேந்திரன் இடம்பெறும் புதிய போஸ்டரை வெளியிட்டனர். இயக்கம் மட்டுமின்றி படத்தின் வசனத்தையும் தனுஷ் எழுதியுள்ளார் என்பது குறிப்பிடத்தக்கது. இப்படத்தை அவரது வுண்டர்பார் பிலிம்ஸ் நிறுவனம் தயாரித்து வருகிறது.
முன்னதாக தனுஷ் நடித்த அசுரன், ஆடுகளம், பொல்லாதவன், வாத்தி, கேப்டன் மில்லர் போன்ற பல படங்களுக்கு இசையமைத்த ஜி.வி.பிரகாஷ் குமார் இப்படத்திற்கு இசையமைக்க ஒப்பந்தம் செய்யப்பட்டுள்ளார். லியோன் பிரிட்டோ ஒளிப்பதிவு செய்ய, ஜி.கே.பிரசன்னா படத்தொகுப்பை கவனிக்கிறார்.