மகிழ் திருமேனி இயக்கத்தில் அஜித்குமார் தனது அடுத்த பிரம்மாண்டமான ‘ஏகே 62’ படப்பிடிப்பை விரைவில் தொடங்கவுள்ளார் என்பது அனைவரும் அறிந்ததே. அனிருத் இசையமைக்க, லைகா புரொடக்ஷன்ஸ் மெகா புராஜெக்ட் தயாரிக்கிறது. முதலில் இயக்க ஒப்பந்தமாகியிருந்த விக்னேஷ் சிவன் நீக்கப்பட்டதால் படப்பிடிப்பில் தாமதம் ஏற்பட்டது. அஜித்திற்கு எந்த பிரச்சனையும் இல்லை என்றாலும் திரைக்கதை வடிவமைக்கப்பட்ட விதம் தயாரிப்பு நிறுவனத்திற்கு பிடிக்கவில்லை என்று கூறப்படுகிறது.
துணிவு படத்திற்கு பின் அஜித் நடிக்கும் திரைப்படம் விடாமுயற்சி. இப்படத்தை மகிழ் திருமேனி இயக்கி வருகிறார். இப்படத்தில் அஜித்தின் ஜோடியாக திரிஷா நடித்து வருகிறார். மங்காத்தா படத்திற்கு பின் அஜித்துடன் திரிஷா நடிக்கும் படம் இது. இந்த படத்தில் நடிகர் அர்ஜூன் வில்லனாக நடித்து வருகிறார்.
வெளிநாட்டுக்கு மனைவியோடு அஜித் செல்லும்போது திரிஷாவை ஒரு கும்பல் கடத்தி விடுகிறது. அஜித் எப்படி தனது மனைவியை மீட்கிறார் என்பதுதான் இப்படத்தின் கதை என சொல்லப்படுகிறது. இந்த படத்தின் படப்பிடிப்பு அசர் பைசான் நாட்டில் நடைபெற்று வருகிறது.பொதுவாக அஜித் ஒரு படம் நடித்து முடித்து பல மாதங்கள் கழித்துதான் தனது அடுத்த படத்தை முடிவெடுப்பார். துணிவு படம் வெளியாகி 10 மாதம் கழித்துதான் விடாமுயற்சி படத்திலேயே அவர் நடிக்க துவங்கினார். ஆனால், விடாமுயற்சி படத்தில் நடிக்கும்போதே தனது அடுத்த அதாவது 63வது படத்தை முடிவெடுத்துவிட்டார்.
இந்த படத்தை ‘திரிஷா இல்லனா நயன்தாரா’, மார்க் ஆண்டனி ஆகிய படங்களை இயக்கிய ஆதிக் ரவிச்சந்திரன் இயக்கவுள்ளார். இந்த படத்தை தெலுங்கில் பெரிய பட்ஜெட்டுகளில் படங்களை இயக்கி வரும் மைத்ரி மூவி மேக்கர்ஸ் நிறுவனம் தயாரிக்கவுள்ளது என ஏற்கனவே செய்தி வெளியானது.
இந்நிலையில், இப்படம் பற்றிய சில முக்கிய அப்டேட்டுகள் இப்போது வெளியாகியுள்ளது. இப்படத்தின் படப்பிடிப்பு மார்ச் மாதம் முடிவில் அல்லது ஏப்ரல் மாதம் முதல் வாரத்தில் துவங்கவுள்ளது. 2025ம் வருடம் பொங்கலுக்கு இப்படத்தை வெளியிட படக்குழு திட்டமிட்டிருக்கிறது.
மேலும், இப்படத்திற்கு ஜிவி பிரகாஷ் இசையமைக்கவுள்ளார் எனவும், நடிகை தபு இப்படத்தில் ஒரு முக்கிய வேடத்தில் நடிக்கவுள்ளாராம். விடாமுயற்சி படத்தின் படப்பிடிப்பு 60 சதவீதத்தை தாண்டிவிட்டதாக சொல்லப்படுகிறது. எனவே, இப்படம் முடிந்தவுடனேயே அஜித் ஆதிக் ரவிச்சந்திரன் படத்தில் நடிப்பார் என எதிர்பார்க்கப்படுகிறது.
இதற்கிடையில், கடந்த ஞாயிற்றுக்கிழமை அஜித் தனது 63வது படத்தில் ஒப்பந்தமாகியுள்ளதாக தொழில்துறையினர் மேற்கோள் காட்டியுள்ளனர். ‘ஏகே 63’ படத்தை சன் பிக்சர்ஸ் நிறுவனம் பிரமாண்டமாக தயாரிக்கவுள்ளது, அவருடன் அஜித் முதல்முறையாக இணைந்து நடிக்கவுள்ளதாக தகவல்கள் தெரிவிக்கின்றன. ‘வீரம்’, ‘வடளம்’, விவேகம் மற்றும் ‘விஸ்வாசம்’ படங்களுக்குப் பிறகு சிறுத்தை சிவா இப்படத்தை இயக்குகிறார், இது அஜித்துடன் ஐந்தாவது முறையாகும். இவர் இதற்கு முன்பு சன் புரொடக்ஷன்ஸ்க்காக சூப்பர் ஸ்டார் ரஜினிகாந்தின் ‘அண்ணாத்தே’ படத்தை இயக்கியுள்ளார்.
அஜீத் தனது இரண்டாம் கட்ட ரைடு ஃபார் மியூச்சுவல் ரெஸ்பெக்ட் உலக பைக் சுற்றுப்பயணத்தை முடித்த பிறகு 2024 ஆம் ஆண்டின் இறுதியில் அல்லது 2025 ஆம் ஆண்டின் தொடக்கத்தில் ‘AK 63’ திரைக்கு வரும் என்று கூறப்படுகிறது. அவர் ஒரு வருடம் முதல் பதினெட்டு மாதங்கள் வரை அனைத்து கண்டங்களிலும் சாலையில் இருப்பார். சூர்யா மற்றும் திஷா பதானி நடித்த ‘கங்குவா’ என்ற மெகா ஃபேண்டஸி சாகசப் படத்தின் இரண்டு பாகங்களையும் சிவா அந்த நேரத்தில் முடித்திருப்பார்.