முன்னணி இயக்குனராக இருந்து நடிகராக மாறிய எஸ் ஜே சூர்யா, தற்போது மலையாள சினிமாவில் அறிமுகமாக உள்ளார்.
ஒரு காலத்தில் தென்னிந்திய மொழிகளில் மிகவும் தேவைப்பட்ட இயக்குனராக இருந்தார் எஸ் ஜே சூர்யா. “குஷி”, “வாலி” போன்ற படங்கள் மூலம் ரசிகர்களின் மனதில் நீங்கா இடம் பிடித்தார்.
பின்னர் நடிப்பில் ஆர்வம் காரணமாக இயக்கத்தை விட்டு விலகினார். “நியூ”, “மான் கராத்தே” போன்ற சில படங்கள் வெற்றி பெற்றாலும், தொடர்ந்து நல்ல படங்களில் நடிக்க முடியவில்லை.
சில ஆண்டுகளுக்கு பிறகு “இறைவி” படத்தின் மூலம் மீண்டும் திரையுலகில் நுழைந்தார். இம்முறை கதாநாயகனாக மட்டும் நடிக்காமல், வில்லன், குணச்சித்திரம் என எல்லா வகையான கதாபாத்திரங்களையும் ஏற்று நடித்தார்.
சமீபத்தில் “மாநாடு”, “மார்க் ஆண்டனி” போன்ற படங்களில் வில்லனாக நடித்து ரசிகர்களின் பாராட்டை பெற்றார்.
இதையடுத்து அவருக்கு அடுத்தடுத்து படங்களில் நடிக்க வாய்ப்புகள் குவிந்து வருகின்றன. இதனால் தான் இயக்க வேண்டும் என்று ஆசைப்பட்ட “கில்லர்” படத்தை கூட தள்ளிவைத்துள்ளார்.
தமிழ் மற்றும் தெலுங்கில் பிஸியாக நடித்து வரும் எஸ் ஜே சூர்யா, தற்போது பகத் பாசில் நடிக்கும் படத்தில் வில்லனாக நடிக்க ஒப்பந்தம் செய்துள்ளார். இப்படத்தை விபின் தாஸ் இயக்குகிறார்.
மலையாள சினிமாவில் எஸ் ஜே சூர்யாவின் அறிமுகம் ரசிகர்களிடையே பெரும் எதிர்பார்ப்பை ஏற்படுத்தியுள்ளது.