நஸ்லன் மற்றும் மமிதா பைஜு நடிப்பில் உருவான “பிரேமலு” திரைப்படம் விமர்சன ரீதியாகவும் வணிக ரீதியாகவும் வெற்றி பெற்றுள்ளது.
நகைச்சுவை கலந்த காதல் திரைப்படமான பிரேமலு கடந்த பிப்ரவரி 9ஆம் தேதி திரையரங்குகளில் வெளியானது. இதுவரை உலகளவில் ரூ.100 கோடிக்கும் அதிகமாக வசூலித்து சாதனை படைத்துள்ளது. தமிழ் மற்றும் தெலுங்கு மொழிகளில் வெளியான இப்படம் ரசிகர்களிடையே நல்ல வரவேற்பை பெற்றது. டிஸ்னி பிளஸ் ஹாட்ஸ்டாரில் கடந்த ஏப்ரல் 12ஆம் தேதி வெளியான இப்படம் ஓடிடியிலும் நல்ல வரவேற்பை பெற்று வருகிறது.
இந்நிலையில், நடிகை நயன்தாரா தனது இன்ஸ்டாகிராம் ஸ்டோரியில் பிரேமலு படம் குறித்து பதிவிட்டுள்ளார். “நல்ல படங்கள் என்னை மகிழ்ச்சிக்குள்ளாக்குகிறது” என அவர் பதிவிட்டிருந்தார்.
பெண் கதாபாத்திரத்தை மையமாகக் கொண்ட ஒரு கதையை நடிகை நயன்தாராவிடம் இயக்குநர் சசிகுமார் கூறியதாகவும், அது பிடித்ததால் நயன்தாரா நடிக்க ஒப்புக்கொண்டதாகவும் தகவல் வெளியாகியுள்ளது.
டெஸ்ட் படத்தின் படப்பிடிப்பை முடித்த நயன்தாரா தற்போது “மண்ணாங்கட்டி” படத்தில் நடித்து வருவது குறிப்பிடத்தக்கது.
பிரேமலு திரைப்படத்தின் வெற்றிக்கு வாழ்த்துக்கள்!