தனுஷ் நடிப்பில் அருண் மாதேஸ்வரன் இயக்கத்தில் வெளியான கேப்டன் மில்லர் திரைப்படம் பொங்கல் ரிலீஸில் வெளியாகி நல்ல வரவேற்பைப் பெற்றது. முதல் நாள் 8.65 கோடி ரூபாய் வசூல் செய்த படம், இரண்டாவது நாள் 6.65 கோடி ரூபாய் வசூல் செய்துள்ளது.
படத்தை பார்த்த ரசிகர்கள், படத்தின் மேக்கிங்கிற்கும், கதைக்கும் நல்ல ரெஸ்பான்ஸை கொடுத்துள்ளனர். கோயில் நுழைவு போராட்டத்தை இணைத்த விதம் நல்ல விதமாக இருந்ததாக கமெண்ட்ஸ் செய்து வருகின்றனர். மேலும் தனுஷின் நடிப்பு, சிவராஜ்குமாரின் நடிப்பு ஆகியவற்றையும் பாராட்டும் அவர்கள்; வாத்தியில் விட்டதை கேப்டன் மில்லரில் தனுஷ் பிடித்துவிட்டதாக மகிழ்ச்சியுடன் தெரிவித்துவருகிறார்கள்.
இருப்பினும், இரண்டாவது நாள் வசூல் சற்று சறுக்கியுள்ளது. தொடர்ச்சியாக விடுமுறை நாட்கள் வருகின்றன. எனவே, மூன்றாவது நாள் வசூல் எப்படி இருக்கும் என்பதை பொறுத்திருந்து பார்க்க வேண்டும்.
இந்த படம் 100 கோடி ரூபாய் வசூல் செய்யும் என எதிர்பார்க்கப்படுகிறது.