தமிழ் சினிமாவில் இருக்கும் முன்னணி நடிகர்களில் ஒருவராக இருந்து வருபவர் நடிகர் தனுஷ். தமிழ் திரையுலகில் தனது அப்பா ஒரு இயக்குனர் என்பதால் எளிதாக திரைத்துறையில் நுழைந்துவிட்டார் தனுஷ் . ஆனால் அவர் சினிமாவில் அப்பாவின் தயவு இல்லமால் கடின உழைப்பை மட்டுமே நம்பி படத்திற்கு படம் மெழுக்கேறி தற்போது இந்திய சினிமாவின் தவிர்க்க முடியாத நாயகனாக வலம் வருகிறார் .
தனுஷின் ஆரம்ப காலத்தில் அவரின் நடிப்பை உலகிற்கு அறிமுகப்படுத்தி அவரை ஒரு வெற்றி நாயகனாக வலம் வர செய்ததில் மிக முக்கியப் பங்கு இயக்குனர் செல்வராகவனுக்கு உண்டு.
தமிழ் சினிமாவில் தொடங்கி தற்போது ஹாலிவுட் சினிமா வரை அவர் சென்று இருக்கிறார் என்றால் அது அவரின் தன்னம்பிக்கைக்கும் விடாமுயற்சிக்கும் கிடைத்த பாலன் தான் .
இந்நிலையில் நடிகர் தனுஷ் திரைத்துறையில் நுழைந்து 20 ஆண்டுகள் நிறைவடைந்துள்ளதையடுத்து அவர் உருக்கமான பதிவு ஒன்றை வெளியிட்டுள்ளார்.
அந்த பதிவில் நடிகர் தனுஷ் கூறியதாவது :
அனைவருக்கும் வணக்கம் இந்தத் திரையுலகில் நான் என் வாழ்க்கையைத் தொடங்கி இரண்டு தசாப்தங்கள் ஆகின்றன என்பதை என்னால் நம்ப முடியவில்லை.
காலம் பறக்கிறது, துள்ளுவதோ இளமை தொடங்கும் போது நான் இவ்வளவு தூரம் வருவேன் என்று கனவில் கூட நினைக்கவில்லை, கடவுள் கருணை காட்டியுள்ளார். தொடர் அன்பிற்கும் ஆதரவிற்கும் எனது ரசிகர்களுக்கு என்னால் நன்றி என்ற சொல்லில் முடித்துவிட முடியாது.
நீங்கள் எனது பலத்தின் முக்கிய தூண்கள், நான் உங்கள் அனைவரையும் பன்மடங்கு நேசிக்கிறேன். உலகெங்கிலும் உள்ள சினிமா ஆர்வலர்கள் தங்கள் நிபந்தனையற்ற அன்பை என் மீது பொழிந்ததற்காக நன்றி தெரிவிக்க விரும்புகிறேன். அனைவரது ஆதரவுக்கும் பத்திரிக்கை, ஊடகங்கள், தொலைக்காட்சி சேனல்கள் மற்றும் சமூக ஊடகங்களுக்கும் எனது மனமார்ந்த நன்றிகள்.
என்னுடன் பணியாற்றிய அனைத்து இயக்குனர்கள் மற்றும் தயாரிப்பாளர்களுக்கு நன்றி. கேமராவுக்குப் பின்னால் பணியாற்றிய அனைத்து தொழில்நுட்பக் கலைஞர்களுக்கும், என்னுடைய அற்புதமான சக நடிகர்களுக்கும் நன்றி சொல்ல விரும்புகிறேன்.
எனது அண்ணன் மற்றும் இயக்குனர் செல்வராகவனுக்கு நன்றி. ஏன் என்று உங்கள் அனைவருக்கும் தெரியும்..! என்னுள் இருக்கும் நடிகரை அடையாளம் காட்டிய என் தந்தை கஸ்தூரி ராஜாவுக்கு நன்றி.
கடைசியாக நான் என் அம்மாவிற்கு நன்றி கூறுகிறேன், அவளுடைய அன்றாட பிரார்த்தனைகள் தான் என்னைப் பாதுகாத்து என்னை இவ்வளவு தூரம் கொண்டு வந்தன. அவர் இல்லாமல் நான் ஒன்றுமில்லை. மற்ற காரியங்களில் மும்முரமாக இருக்கும் அந்தத் தருணம் தான் வாழ்க்கை என்று எங்கோ படித்திருக்கிறேன். என்னால் ஒத்துக்கொள்ள முடியாது. இந்த ஒரு வாழ்க்கையை அர்த்தமுள்ளதாக்குவோம். அதை எண்ணிப்பார்ப்போம். எண்ணம் போல் வாழ்க்கை, அன்பைப் பரப்புங்கள், ஓம் நமசிவாய என்று உருக்கமாக பதிவிட்டுள்ளார் நடிகர் தனுஷ் .
