இங்க நான் தான் கிங்கு என்ற படத்தில் சந்தானம் நாயகனாக நடிக்கிறார் என்று முன்பே தெரிவித்திருந்தோம். காமெடி என்டர்டெயின்னராக இருக்கும் இந்தப் படத்தை ஆனந்த் நாராயண் இயக்குகிறார். பர்ஸ்ட் லுக் போஸ்டர் ஒரு மாதத்திற்கு முன்பு வெளியானது.
தற்போது, படத்தின் முதல் சிங்கிள் பாடலை தயாரிப்பாளர்கள் வெளியிட்டுள்ளனர். ‘மாயோனே’ என்று பெயரிடப்பட்டுள்ள இந்த மெல்லிசைப் பாடலை முத்தமிழ் வரிகளில் ஜோனிதா காந்தி மற்றும் சீன் ரோல்டன் ஆகியோர் பாடியுள்ளனர்.
இந்தப் படத்தின் மூலம் நடிகையாக அறிமுகமாகும் பிரியாலயா கதாநாயகியாக நடிக்கிறார். தம்பி ராமையா, முனிஷ்காந்த், விவேக் பிரசன்னா, பால சரவணன், மாறன் மற்றும் கூல் சுரேஷ் ஆகியோர் நடித்துள்ளனர். மறைந்த நடிகர் மனோபாலாவும் முக்கிய வேடத்தில் நடிக்கிறார்.
எழிச்சூர் அரவிந்தன் கதை, திரைக்கதை, வசனம் எழுதியுள்ள இதற்கு இசை டி இமான், ஒளிப்பதிவு ஓம் நாராயண், படத்தொகுப்பு எம் தியாகராஜன். பாடல்களுக்கான வரிகளை இயக்குனர் விக்னேஷ் சிவன் மற்றும் முத்தமிழ் எழுதியுள்ளனர். இங்க நான் தான் கிங்கு படத்தை சுஷ்மிதா அன்புச்செழியன் தயாரித்து கோபுரம் பிலிம்ஸ் சார்பில் அன்புச்செழியன் வழங்குகிறார். இந்த ஆண்டு கோடையில் படத்தை வெளியிட திட்டமிட்டுள்ளனர்.