நடிகை மீனா நடித்த “த்ரிஷ்யம்” திரைப்படம் ஹாலிவுட்டில் ரீமேக் செய்யப்பட இருக்கும் நிலையில், ஹாலிவுட்டில் ரீமேக் செய்யப்படும் முதல் இந்திய படம் என்ற பெருமையை பெற்றுள்ளது. இதையடுத்து மீனாவுக்கு வாழ்த்துக்கள் குவிந்து வருகிறது.
த்ரிஷ்யம் படத்தின் வெற்றி:
2013 ஆம் ஆண்டு மோகன்லால், மீனா நடிப்பில் ஜீத்து ஜோசப் இயக்கத்தில் உருவான திரைப்படம் “த்ரிஷ்யம்”.
வெறும் 5 கோடி ரூபாய் செலவில் எடுக்கப்பட்ட இந்த படம் ரூ.72 கோடி வரை வசூல் செய்து மலையாள திரையுலகையே ஆச்சரியத்தை ஏற்படுத்தியது.
பல்வேறு மொழிகளில் ரீமேக்:
மலையாளத்தில் சூப்பர் ஹிட் வெற்றி பெற்றதை அடுத்து தமிழ், தெலுங்கு, கன்னடம், இந்தி ஆகிய இந்திய மொழிகளிலும் சிங்களம், சீனா, இந்தோனேசியா மற்றும் கொரியன் ஆகிய வெளிநாட்டு மொழிகளிலும் ரீமேக் செய்யப்பட்டது.
ஹாலிவுட் ரீமேக்:
தற்போது முதல் முறையாக ஹாலிவுட்டில் ரீமேக் செய்யப்பட இருக்கிறது.
கல்ஃப் ஸ்ட்ரீம் பிக்சர்ஸ் என்ற நிறுவனம் ஹாலிவுட்டில் “த்ரிஷ்யம்” படத்தை ரீமேக் செய்ய இருப்பதாகவும் இதன் ஆரம்பகட்ட பணிகள் விரைவில் தொடங்கும் என்றும் கூறப்படுகிறது.
எதிர்பார்ப்பு:
இந்தியாவில் சூப்பர் ஹிட் ஆன இந்த படம் ஹாலிவுட்டிலும் மிகப் பெரிய வெற்றி பெறும் என்று எதிர்பார்க்கப்படுகிறது.
மீனாவுக்கு வாழ்த்துக்கள்:
ஹாலிவுட்டில் ரீமேக் செய்யப்படும் முதல் இந்திய படத்தில் நடித்த பெருமைக்கு மீனாவுக்கு வாழ்த்துக்கள் குவிந்து வருகிறது.