ஜெயிலர் படத்திற்குப் பிறகு, ரஜினிகாந்த் தற்போது த செ ஞானவேல் இயக்கத்தில் உருவாகி வரும் ‘வேட்டையன்’ படத்தில் நடித்து வருகிறார்.
சில மாதங்களுக்கு முன்பு சென்னையில் பூஜையுடன் தொடங்கிய இப்படத்தின் முதல் கட்ட ஷூட்டிங் திருவனந்தபுரத்தில் நடந்தது.
துஷாரா விஜயன், ரித்திகா சிங், மஞ்சு வாரியர், ராணா டகுபதி, பஹத் பாசில் மற்றும் அமிதாப் பச்சன் ஆகியோர் முக்கிய வேடங்களில் நடிக்கின்றனர்.
திருவனந்தபுரம், திருநெல்வேலி மற்றும் மும்பையில் படமாக்கப்பட்ட இப்படத்தின் பெரும்பாலான காட்சிகள் தற்போது சென்னையில் படமாக்கப்பட்டு வருகின்றன.
அதிகாரப்பூர்வ அறிவிப்பின்படி, படம் அக்டோபர் மாதத்தில் வெளியாகும்.
இந்நிலையில், ‘வேட்டையன்’ படத்தில் இடம்பெறவுள்ள ஒரு அறிமுகப் பாடல் காட்சி விரைவில் படமாக்கப்பட உள்ளதாக தகவல் வெளியாகியுள்ளது.
இந்த பாடலுக்காக சென்னையில் மிகப் பிரம்மாண்டமான அரங்கம் அமைக்கப்பட்டுள்ளதாம். பிரபல நடன இயக்குனர் தினேஷ் இந்த பாடலுக்கு நடனம் அமைக்க உள்ளதாகவும் கூறப்படுகிறது.
படத்தின் பிரம்மாண்டமான அறிமுகப் பாடல் ரசிகர்களிடையே பெரும் எதிர்பார்ப்பை ஏற்படுத்தியுள்ளது.