மாநாடு படத்தின் சூப்பர் வெற்றிக்குப் பிறகு, இயக்குனர் வெங்கட் பிரபு மீண்டும் மற்றொரு திரைப்படம், இந்த முறை அடல்ட் காமெடி என்டர்டெய்னர் – மன்மத லீலை. மணிவண்ணன் பாலசுப்ரமணியம் எழுதி, ராக்ஃபோர்ட் எண்டர்டெயின்மென்ட்டின் கீழ் டி முருகானந்தம் தயாரித்த இப்படம் திரையரங்குகளில் வெளியானது முதல் ரசிகர்களிடம் கலவையான வரவேற்பை பெற்று வருகிறது.
படத்திற்கான எதிர்பார்ப்பு ஏற்கனவே எகிறியுள்ள நிலையில், காலையில் ரசிகர்கள் படத்தை பார்ப்பதற்காக திரையரங்குகளில் காத்திருந்தனர்.ஆனால் எதிர்பார்த்தபடி படம் ரிலீசாகவில்லை. இதனால் ரசிகர்கள் ஏமாற்றமடைந்தனர். தலைப்பு தொடர்பாக எழுந்த பிரச்சினையில் படம் ரிலீசாகவில்லை என்று கூறப்பட்டது. இந்நிலையில் இதுதொடர்பான வழக்கு நீதிமன்றத்தில் விசாரிக்கப்பட்டு படம் ரிலீசாவதற்கு தடை விதிக்க முடியாது என்று கூறப்பட்டுள்ளது. விசாரணை வரும் 4ம் தேதிக்கு தள்ளி வைக்கப்பட்டுள்ளது.
இந்நிலையில் படம் தற்போது மேட்னி ஷோவிற்கு திரையிடப்பட்டுள்ளது. சில திரையரங்குகளில் மாலை மற்றும் இரவு ஷோவிற்கு திரையிடப்பட்டுள்ளது. இதனிடையே படத்தின் இயக்குநர் வெங்கட் பிரபுவும் இதை உறுதி செய்துள்ளார். கடவுள் இருக்கார் என்று அவர் ட்வீட் செய்துள்ளார்.
படத்தைப் பார்த்து பலரும் தங்களது கருத்துக்களை ட்விட்டரில் தெரிவித்து வருகின்றனர். நடிகர்களின் தொழில்நுட்பம் மற்றும் நடிப்பு, குறிப்பாக அசோக் செல்வன், பார்வையாளர்களிடமிருந்து பெரும் கவனத்தைப் பெற்றாலும், அதன் கருத்து மற்றும் கதைக்களம் வெளிப்படையாக அவர்களை ஏமாற்றியது. சம்யுக்தா ஹெக்டே மற்றும் ஸ்ம்ருதி வெங்கட் கதாநாயகிகளாக நடித்துள்ள மன்மத லீலை படத்தில் ரியா சுமன், கருணாகரன், பிரேம்கி அமரன் மற்றும் ஜெயபிரகாஷ் ஆகியோர் முக்கிய வேடங்களில் நடித்துள்ளனர்.
#ManmathaLeelai KDM received !!!
Book your tickets for tonight show !!!@vp_offl https://t.co/HOHP5a1DT0
— Rakesh Gowthaman (@VettriTheatres) April 1, 2022
