நடிகர் அஜித் குமார் தனது ரசிகர்களுடன் ஜாலியாக பழகும் வீடியோக்கள் சமூக வலைத்தளங்களில் வைரலாகி வருவது வழக்கம். அந்த வகையில், சமீபத்தில் தனது ரசிகர்களிடம் அஜித் செய்த ஜாலியான குறும்பு தற்போது டிரெண்டாகி வருகிறது.
பைக் டூர் சென்றிருந்த போது, தன்னுடைய ரசிகர்கள் 2 நாட்களாக தன்னை தேடிக்கொண்டிருப்பதாக அஜித்திடம் கூறியதும், “நான் என்ன கொலைகாரனா? கொள்ளைக்காரனா? எதுக்கு என்னை தேடுறீங்க?” என்று அஜித் அவர்களிடம் ஜாலியாக கேள்வி எழுப்பியுள்ளார்.
அஜித் ரசிகர்களுடன் ரகளை
இதேபோல், நேற்று ஒரு ரசிகர் அஜித்தை சந்தித்து கையெழுத்து வாங்கிய போது, அஜித் அவரிடம் “சரியா ஃபூல்ஸ் டே அன்னைக்கு வந்திருக்கீங்க” என்று ஜாலியாக கூறி ரகளை செய்த வீடியோவும் தற்போது சமூக வலைத்தளங்களில் வைரலாகி வருகிறது.
விடாமுயற்சி படத்தின் நிலை என்ன?
நடிகர் அஜித் குமார் நடித்து வந்த விடாமுயற்சி படத்தின் சூட்டிங் கடந்த ஆண்டு மே மாதம் தொடங்கப்பட்டது. ஆனால், ஒரு வருடமாகியும் இன்னும் அந்த படத்தின் அடுத்த கட்ட படப்பிடிப்பு எப்போது தொடங்கும் என்று தெரியவில்லை. தயாரிப்பு தரப்புக்கும் இயக்குநருக்கும் இடையே பிரச்சனையா? அல்லது ஹீரோ மற்றும் இயக்குநரிடையே பிரச்சனையா? என்பது தெரியவில்லை.
குட் பேட் அக்லி படத்திற்கு தயாராகும் அஜித்
விடாமுயற்சி படத்தின் படப்பிடிப்பு முடிவதற்கு முன்னதாகவே குட் பேட் அக்லி படத்தின் படப்பிடிப்பை அஜித் தொடங்கி விடுவார் என்று தகவல்கள் வெளியாகி உள்ளன. அந்த படத்தை பொங்கலுக்குள் முடித்து ரிலீஸ் செய்ய வேண்டிய கட்டாயம் ஆதிக் ரவிச்சந்திரனுக்கு ஏற்பட்டுள்ள நிலையில், அதற்கான வேலைகளை தீவிரமாக பார்த்து வருகிறாராம்.