சென்னை, ஏப்ரல் 6: விக்கிரவாண்டி தொகுதி திமுக எம்.எல்.ஏ. புகழேந்தி, உடல்நலக் குறைவால் இன்று (சனிக்கிழமை) காலை 10.35 மணிக்கு காலமானார். அவருக்கு வயது 71.
புகழேந்திக்கு கிருஷ்ணம்மாள் என்ற மனைவியும், செல்வகுமார் என்ற மகனும், செல்வி, சாந்தி, சுமதி என்ற மகள்களும் உள்ளனர்.
அரசியல் வாழ்க்கை:
2019ம் ஆண்டு விக்கிரவாண்டி இடைத்தேர்தலில் திமுக வேட்பாளராக போட்டியிட்டு தோல்வியடைந்தார்.
2021ம் ஆண்டு சட்டமன்ற தேர்தலில் அதே தொகுதியில் போட்டியிட்டு வெற்றி பெற்று எம்.எல்.ஏ.வானார்.
திமுகவில் அனுபவம் வாய்ந்த அரசியல்வாதியாக அறியப்பட்டார்.
உடல்நலக்குறைவு மற்றும் மரணம்:
கடந்த சில நாட்களாக உடல்நலக்குறைவால் சென்னை தனியார் மருத்துவமனையில் அனுமதிக்கப்பட்டிருந்தார்.
நேற்று விழுப்புரத்தில் நடைபெற்ற தேர்தல் பிரச்சாரக் கூட்டத்துக்காக டிஸ்சார்ஜ் ஆகி வந்தார்.
பொதுக்கூட்ட மேடையில் குறைந்த ரத்த அழுத்தம் ஏற்பட்டு மயங்கி விழுந்தார்.
முண்டியம்பாக்கம் அரசு மருத்துவக் கல்லூரியில் தீவிர சிகிச்சைப் பிரிவில் அனுமதிக்கப்பட்டார்.
சிகிச்சை பலனின்றி இன்று காலை 10.35 மணிக்கு உயிரிழந்தார்.
வாழ்க்கை குறிப்பு:
விழுப்புரம் அருகே அத்தியூர் திருவாதி கிராமத்தில் பிறந்தவர்.
விவசாயியான இவர் எஸ்எஸ்எல்சி வரை படித்துள்ளார்.
1973ம் ஆண்டு திமுக கிளைச் செயலாளராக பதவி வகித்தார்.
கோலியனூர் ஒன்றியச் செயலாளர், விழுப்புரம் தெற்கு மாவட்ட பொருளாளர், மாவட்ட அவைத் தலைவர், விழுப்புரம் தெற்கு மாவட்டச் செயலாளர் போன்ற பதவிகளை வகித்துள்ளார்.
1986ம் ஆண்டு ஊராட்சி மன்ற தலைவர், 1989ம் ஆண்டு கண்டமானடி தொடக்க கூட்டுறவு வங்கி தலைவர், 1996ம் ஆண்டு கோலியனூர் ஒன்றியக் குழு தலைவர் போன்ற பதவிகளை வகித்துள்ளார்.
2021ம் ஆண்டு பொதுத் தேர்தலில் விக்கிரவாண்டி எம்.எல்.ஏ.வாக தேர்வு செய்யப்பட்டார்.
புகழேந்தியின் மறைவு திமுக கட்சியினருக்கும், விக்கிரவாண்டி தொகுதி மக்களுக்கும் பேரிழப்பாகும்.