நடிகை வனிதா சின்னத்திரை மற்றும் வெள்ளித்திரை என இரண்டிலும் பிஸியாக நடித்து வருகிறார். அவரது நடிப்பில் அனல் காற்று, அந்த கண், சிவப்பு மனிதர்கள், கொடூரன், பிக்கப் டிராப் என வரிசையாக பல படங்கள் வெளி வர உள்ளது.
இந்நிலையில், அண்மையில் வனிதா அளித்த பேட்டியில் தனது மூன்றாவது திருமணம் பற்றி பேசியுள்ள தகவல் தற்போது வைரலாகி வருகிறது.
பேட்டியின் போது வனிதாவிடம், “திருமணம் பற்றி என்ன நினைக்கிறீர்கள்?” என்று கேள்வி எழுப்பப்பட்டது. அதற்கு வனிதா, “நான் சட்டப்படி இரண்டு திருமணம் தான் செய்துள்ளேன். மூன்றாவது திருமணம் கண்டிப்பா பண்ணுவேன்” என்று நக்கலாக கூறினார்.
மேலும், “மாப்பிள்ளையின் நிறம் பற்றி என்ன நினைக்கிறீர்கள்?” என்று கேட்கப்பட்டதற்கு, “மாப்பிள்ளை குபேரன் போல பச்சையாக இருக்க வேண்டும்” என்று சிரிக்காமல் நக்கலாக பதிலளித்தார்.
இந்த பதிலில் வனிதா தனது திருமணம் குறித்த எண்ணத்தை வெளிப்படுத்தியுள்ளார். மேலும், அனைத்து பேட்டிகளிலும் தனிடம் திருமணம் பற்றி மட்டுமே கேள்வி கேட்கிறார்கள் என்று காட்டமாகவும் பேசியுள்ளார்.
வனிதாவின் இந்த பதிலுக்கு ரசிகர்கள் பலரும் ஆதரவு தெரிவித்துள்ளனர். “தனது விருப்பத்தை தைரியமாக வெளிப்படுத்தும் வனிதாவை பாராட்டுகிறோம்” என்று பலரும் கூறியுள்ளனர்.