பிளெஸ்ஸி இயக்கத்தில் பிரித்விராஜ் நடித்துள்ள ‘ஆடுஜீவிதம்’ திரைப்படம் ஏப்ரல் 10-ம் தேதி வெளியாகும் என அறிவிக்கப்பட்டிருந்தது.
ஆனால், தற்போது படத்தை முன்கூட்டியே வெளியிட தயாரிப்பாளர்கள் திட்டமிட்டுள்ளதாக தகவல்கள் வெளியாகியுள்ளன.
எழுத்தாளர் பென்யாமின் எழுதிய நாவலை அடிப்படையாகக் கொண்ட ‘ஆடுஜீவிதம்’ திரைப்படம் இப்போது மார்ச் 28-ம் தேதி வெளியாகும் என கூறப்படுகிறது.
இருப்பினும், இது குறித்து இன்னும் அதிகாரப்பூர்வ அறிவிப்பு எதுவும் வெளியிடப்படவில்லை.
இந்த திரைப்படம் இந்தி, மலையாளம், தமிழ், தெலுங்கு மற்றும் கன்னடம் ஆகிய ஐந்து மொழிகளில் திரையரங்குகளில் வெளியாக உள்ளது.
படத்தில் பிரித்விராஜ் சுகுமாரன் கேரளாவைச் சேர்ந்த ஒரு புலம்பெயர்ந்த தொழிலாளியாக, சவுதி அரேபியாவில் ஒரு ஆட்டு பண்ணையில் அடிமையாக நடித்துள்ளார்.
கொரோனா காலகட்டத்தில் தொடங்கிய இப்படத்தின் படப்பிடிப்பு கடந்த 3 ஆண்டுகளாக மெதுவாக நடைபெற்று வந்தது.
இதனால், மலையாள திரையுலகில் அதிகம் எதிர்பார்க்கப்படும் படங்களில் ஒன்றாக ‘ஆடுஜீவிதம்’ திகழ்கிறது.
இப்படத்தில் அமலா பால், கோகுல், ஜிம்மி ஜீன்-லூயிஸ், தலிப் அல் பலுஷி மற்றும் ரிக் அபி ஆகியோரும் முக்கிய வேடங்களில் நடித்துள்ளனர்.