கொளுத்துங்கடா மீண்டும் சென்சேஷனல் இயக்குனருக்கு ஒகே சொன்ன அஜித் !! இது நம்ம​ லிஸ்ட்லயே இல்லயே !

தமிழ் சினிமாவின் முன்னணி இயக்குனர்களான வெற்றிமாறன் மற்றும் நடிகர் அஜித்குமார் இணைந்து ஏகே64 படத்தில் நடிக்க வாய்ப்புள்ளதாக தகவல்கள் வெளியாகியுள்ளன.

தற்போது விடுதலை 2 படத்தை இயக்கி வரும் வெற்றிமாறன், அதன் பிறகு சூர்யாவின் வாடிவாசல் படத்தை இயக்கவுள்ளார். இருப்பினும், விடுதலை படத்தின் தயாரிப்பாளர் எல்ரெட் குமாரின் அறிவுறுத்தலின் பேரில் அஜித்குமாரிடம் ஒரு கதையை வெற்றிமாறன் கூறியுள்ளார். அஜித்குமாரும் அந்தக் கதைக்கு ஒப்புதல் அளித்துள்ளதாக கூறப்படுகிறது.

இது குறித்த அதிகாரப்பூர்வ அறிவிப்பு இன்னும் வெளியாகவில்லை. இருப்பினும், இந்த கூட்டணி ரசிகர்களிடையே பெரும் எதிர்பார்ப்பை ஏற்படுத்தியுள்ளது.

அஜித்குமார் தற்போது மகிழ் திருமேனியின் இயக்கத்தில் உருவாகி வரும் விடாமுயற்சி படத்தில் நடித்து வருகிறார். இந்தப் படம் அடுத்த ஆண்டு கோடைக் கொண்டாட்டமாக வெளியாகும் என்று எதிர்பார்க்கப்படுகிறது.

அஜித்தின் அடுத்தடுத்த படங்களாக ஏகே63 படத்தை ஆதிக் ரவிச்சந்திரன் இயக்கவுள்ளார். மைத்ரி மூவி மேக்கர்ஸ் தயாரிக்கும் இந்தப் படம் 2024 ஆம் ஆண்டு தீபாவளி பண்டிகைக்கு வெளியாகும் என்று எதிர்பார்க்கப்படுகிறது.