ஆஃப்கானிஸ்தான் அணிக்கு எதிரான 3வது டி20 போட்டியில் இந்திய அணி டபுள் சூப்பர் ஓவர் மூலம் அசத்தல் வெற்றியை பெற்றது. இந்த வெற்றிக்கு இந்திய அணியின் பயிற்சியாளர் ராகுல் டிராவிட்டின் யோசனைகள் மற்றும் ரிங்கு சிங்கின் திறமை முக்கிய காரணமாக அமைந்தது.
இந்த போட்டியில் முதலில் பேட்டிங் ஆடிய இந்திய அணி, ரோகித் சர்மா மற்றும் ரிங்கு சிங்கின் அபார ஆட்டம் காரணமாக 212 ரன்களை குவித்தது. இதையடுத்து களமிறங்கிய ஆஃப்கானிஸ்தான் அணி 20 ஓவர்களில் 6 விக்கெட்டுகளை இழந்து 212 ரன்களை எடுத்து சமன் செய்தது.
இதனால் வெற்றியாளரை தீர்மானிக்க ஆட்டம் சூப்பர் ஓவருக்கு சென்றது. அதில் முதலில் பேட்டிங் ஆடிய ஆஃப்கானிஸ்தான் அணி 16 ரன்கள் சேர்த்த நிலையில், பின்னர் களமிறங்கிய இந்திய அணியும் 16 ரன்களை சேர்த்தது. இதனால் ஆட்டம் 2வது சூப்பர் ஓவருக்கு நகர்ந்தது. அதில் இந்திய அணி 11 ரன்கள் சேர்த்த நிலையில், ஆஃப்கானிஸ்தான் அணிக்கு 12 ரன்கள் இலக்காக நிர்ணயம் செய்யப்பட்டது.
இந்த நிலையில், ரோகித் சர்மா திடீரென ஓட முடியாது என்பதை அறிந்து ரிட்டையர்ட் அவுட்டாகி வெளியேறினார். இதனால் இந்திய அணிக்கு பெரும் பின்னடைவு ஏற்பட்டது. ஆனால், ரிங்கு சிங் தனது திறமையை வெளிப்படுத்தி, கடைசி பந்தில் 2 ரன்கள் எடுத்ததன் மூலம் இந்திய அணிக்கு வெற்றியை தேடிக் கொடுத்தார்.
இந்த வெற்றி குறித்து ராகுல் டிராவிட் பேசுகையில், “சூப்பர் ஓவரின் போது முகமது நபியின் காலில் பட்டு 3 ரன்கள் எடுக்கப்பட்டது கிரிக்கெட்டில் நடக்கும் ஒன்று தான். அதனை ஏற்றுக் கொண்டு தான் ஆக வேண்டும். சில பரபரப்பான நேரங்களில் இப்படியான விஷயங்கள் நடக்கும் போது அந்த அணிக்கும், வீரர்களுக்கும் ஏமாற்றமாக இருக்கும். ஆனால் ஏற்றுக் கொள்வதை தவிர்க்க வேறு வழியில்லை” என்று கூறினார்.
அதேபோல், ரோகித் சர்மா ரிட்டையர்ட் அவுட்டாகி வெளியேறியது குறித்து அவர் கூறுகையில், “அது அஸ்னின் சிந்தனையை போன்றது எடுக்கப்பட்ட முடிவு. அஸ்னின் திறமையை அனைவரும் அறிவோம். அவர் களத்தில் இருக்கும் போது எந்த நேரமும் ரிஸ்க் எடுக்க தயங்கமாட்டார். ரோகித் சர்மாவும் அதே போன்று ஒரு வீரர். அவர் களத்தில் இருக்கும் போது எந்த நேரமும் ரிஸ்க் எடுக்க தயாராக இருப்பார்.
ஆனால், இந்த சூப்பர் ஓவரில் அவர் ஓட முடியாது என்பதை அறிந்த பின்னர், அணியின் வெற்றிக்காக அவர் ரிட்டையர்ட் அவுட்டாகி வெளியேறினார். அது ஒரு அபாரமான முடிவு. அதுதான் இந்திய அணிக்கு வெற்றியை பெற்றுத்தந்தது” என்று கூறினார்.
ரிங்கு சிங்கின் திறமை குறித்து ராகுல் டிராவிட் கூறுகையில், “ரிங்கு சிங் அவரது கிரிக்கெட் வாழ்க்கையை கடந்த ஆண்டு தான் இந்திய அணிக்காக தொடங்கினார். அதற்குள் இவ்வளவு அமைதியும், முதிர்ச்சியையும் வெளிப்படுத்துவது ஆச்சரியமளிக்கிறது.
அவர் ஏற்கனவே சில போட்டிகளில் சிறப்பாக ஃபினிஷ் செய்திருந்தாலும், இந்த ஆட்டம் அவருக்கு மிகச்சிறந்த பரீட்சையாக அமைந்தது. ரிங்கு சிங்கிற்கு அவரின் பலம், பலவீனம் குறித்து நன்றாக தெரிகிறது. யாரை அட்டாக் செய்ய வேண்டும் என்ற தெளிவு உள்ளது. அதற்கேற்ப களத்திலும், களத்திற்கு வெளியிலும் செயல்பட்டு வருவதாக பாராட்டியுள்ளார்.