சென்னை: ரஜினிகாந்த் நடித்து வரும் ‘வேட்டையன்’ படத்தின் புதிய போஸ்டர் நாளை (ஜனவரி 15) காலை 9.15 மணிக்கு வெளியாகும் என்று படக்குழு அறிவித்துள்ளது.
இயக்குநர் ஞானவேல் இயக்கத்தில் உருவாகி வரும் இந்தப் படத்தில் ரஜினிகாந்துடன் அமிதாப் பச்சன், ஃபஹத் பாசில், ராணா டகுபதி, ரித்திகா சிங், துஷாரா விஜயன் ஆகியோர் முக்கிய வேடங்களில் நடித்து வருகின்றனர். அனிருத் இசையமைப்பில் லைகா நிறுவனம் தயாரித்து வருகிறது.
இப்படத்தின் படப்பிடிப்பு கடந்த சில மாதங்களாக தீவிரமாக நடைபெற்று வருகிறது. முதற்கட்ட படப்பிடிப்பு திருவனந்தபுரம், திருநெல்வேலி பகுதிகளில் நடைபெற்ற நிலையில், அடுத்த கட்ட படப்பிடிப்பு மும்பையில் நடந்தது. தற்போது புதுச்சேரியில் படப்பிடிப்பு நடைபெற்று வருகிறது.
இந்நிலையில், பொங்கல் பண்டிகையை முன்னிட்டு ‘வேட்டையன்’ படத்தின் புதிய போஸ்டர் நாளை வெளியாகும் என்று படக்குழு அறிவித்துள்ளது. இந்தப் போஸ்டர் வெளியாகும் தகவல் ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது.
Watch out! 🎨 Splashing the canvas with VETTAIYAN’s colourful wishes! 😎 Revealing the poster TOMORROW at 9:15 AM! Get ready to witness the vibrant charisma! 😎🌈✨#VETTAIYAN 🕶️ @rajinikanth @SrBachchan @tjgnan @anirudhofficial @LycaProductions #Subaskaran @gkmtamilkumaran… pic.twitter.com/WBVCX778gN
— Lyca Productions (@LycaProductions) January 14, 2024