இந்தியாவின் புகழ்பெற்ற ஊடக அதிபரும், அதிக வருமானம் ஈட்டும் வணிக நிர்வாகிகளில் ஒருவருமான கலாநிதி மாறன் பற்றி அனைவருக்கும் தெரிந்திருக்கும். அவரின் வெற்றிக் கதை மற்றும் சொத்து மதிப்பு பற்றி இந்த பதிவில் பார்க்கலாம்.
முன்னாள் முதல்வர் மு. கருணாநிதியின் மருமகனும், முன்னாள் மத்திய அமைச்சர் முரசொலி மாறனின் மகனுமான கலாநிதி மாறன், தென்னிந்தியாவின் ஊடக மன்னன் என்று அழைக்கப்படுகிறார். அவரின் தம்பி தயாநிதி மாறன், முன்னாள் அமைச்சராக இருந்தவர். அரசியல் குடும்பத்தில் பிறந்தாலும் கலாநிதி அரசியலில் இருந்து விலகி சன் குழுமத்தைத் தொடங்கினார்.
கல்வி மற்றும் குடும்பம்:
சென்னை எழும்பூரில் உள்ள டான் போஸ்கோ பள்ளியில் பள்ளிப்படிப்பை முடித்தார். பிறகு, சென்னை லயோலா கல்லூரியில் வணிகவியலில் பட்டம் பெற்றார். ஸ்க்ரான்டன் பல்கலைக்கழகத்தில் எம்பிஏ முடித்தார். கலாநிதி மாறன் கர்நாடக மாநிலம் கூர்க்கைச் சேர்ந்த காவேரியை மணந்தார், அவருக்கு காவ்யா மாறன் என்ற மகள் உள்ளார்.
ஊடகத் துறையில் வெற்றி:
1990: தமிழில் பூமாலை என்ற மாத இதழைத் தொடங்கினார்.
1993: சன் டிவி தொடங்கப்பட்டது.
1999: சன் நெட்வொர்க் தொடங்கப்பட்டது.
2006: சன் டிவி பங்குச் சந்தையில் பட்டியலிடப்பட்டது.
2010: 4 பில்லியன் அமெரிக்க டாலர்கள் மதிப்புடன் 17-வது பணக்கார இந்தியர்.
2014-2015: 7.8 மில்லியன் டாலர் சம்பளம் – இந்தியாவில் அதிக சம்பளம் வாங்கும் வணிக நிர்வாகிகளில் ஒருவர்.
சொத்து மதிப்பு மற்றும் வணிகங்கள்:
ஃபோர்ப்ஸ் படி, நிகர மதிப்பு: 2.85 பில்லியன் அமெரிக்க டாலர்கள் (23,633 கோடி ரூபாய்)
இந்தியாவின் 77-வது பணக்காரர்
சன் குழுமம்: 33 தொலைக்காட்சி சேனல்கள், 48 எஃப்எம் ரேடியோ நிலையங்கள்
சன்ரைசர்ஸ் ஹைதராபாத் (SRH) ஐபிஎல் அணி
விமானப் போக்குவரத்து:
2010: ஸ்பைஸ்ஜெட் நிறுவனத்தை வாங்கினார்.
2015: விமான நிறுவனத்தில் நஷ்டம் ஏற்பட்டது.
2024: ஸ்பைஸ்ஜெட் நிறுவனத்தை விற்பனை செய்தார்.
கலாநிதி மாறன் இந்திய ஊடகத் துறையில் ஒரு முக்கிய நபராக இருக்கிறார். அவரின் சன் குழுமம் இந்தியாவில் மிகப்பெரிய ஊடக நிறுவனங்களில் ஒன்றாகும்.