மயங்க் அகர்வாலுக்கு உடல்நலக் குறைவு தற்போதைய நிலை

கர்நாடக அணியின் கேப்டன் மயங்க் அகர்வாலுக்கு திடீரென உடல்நலக் குறைவு ஏற்பட்டுள்ளது. அவர் விமானத்தில் புதுதில்லி செல்லும்போது இரண்டு முறை வாந்தி எடுத்ததாகக் கூறப்படுகிறது. இதனையடுத்து, அவர் திரிபுராவின் அகர்தலாவில் உள்ள மருத்துவமனையில் அனுமதிக்கப்பட்டார்.

மயங்க் அகர்வாலுக்கு என்ன பிரச்சனை என்று சரியாக தெரியவில்லை. ஆனால், அவர் ஆபத்துக் கட்டத்தை தாண்டிவிட்டதாக தகவல்கள் தெரிவிக்கப்படுகின்றன. அவர் தற்போது பெங்களூருவுக்கு அழைத்துச் செல்லப்பட்டு வருகிறார்.

ரஞ்சி கோப்பையில் 2 சதங்கள், 1 அரைசதம் என அசத்தி வருகிறார் மயங்க் அகர்வால். அவரது உடல்நலக் குறைவு கர்நாடக அணியின் ரஞ்சி கோப்பை சாம்பியன்ஷிப் வாய்ப்புக்கு பின்னடைவாக பார்க்கப்படுகிறது.

மயங்க் அகர்வால் தனது சமூக வலைதளத்தில் வெளியிட்ட பதிவு

“நான் தற்போது நன்றாக இருக்கிறேன். கம்பேக் கொடுக்க தயாராகி வருகிறேன். உங்களது அன்புக்கும் பிரார்த்தனைக்கும் நன்றி” என்று மயங்க் அகர்வால் தனது சமூக வலைதளத்தில் வெளியிட்ட பதிவில் தெரிவித்துள்ளார்.

இந்த பதிவு ரசிகர்கள் மத்தியில் மகிழ்ச்சியை ஏற்படுத்தியுள்ளது. மயங்க் அகர்வால் விரைவில் முழுமையாக குணமடைந்து விளையாட்டுக்கு திரும்ப வேண்டும் என்று ரசிகர்கள் பிரார்த்தனை செய்து வருகின்றனர்.

I am feeling better now.

Gearing to comeback 💪🏽

Thank you for prayers, love and support, everyone! 🫶 pic.twitter.com/C0HVPPPGnK

— Mayank Agarwal (@mayankcricket) January 31, 2024