இந்திய கிரிக்கெட் அணியின் முன்னாள் கேப்டன் எம்.எஸ். தோனி தற்போது ஐபிஎல் தொடரில் சென்னை சூப்பர் கிங்ஸ் அணிக்காக விளையாடி வருகிறார்.
தோனியின் அனுபவம் மற்றும் ஆதரவு அணிக்கு மிகவும் பயனுள்ளதாக இருப்பதாக அணியின் இளம் வீரர் ஷிவம் துபே கூறியுள்ளார்.
“தோனி இருப்பதால் அனைத்து மைதானங்களிலும் எங்களுக்கு சொந்த மைதானத்தை போன்ற ஆதரவு கிடைக்கிறது,” என்று துபே கூறினார்.
“எங்கே பயணம் செய்தாலும் அவர் ஒருவரால் சொந்த மண்ணில் விளையாடுவது போன்ற சூழ்நிலையை பெறுகிறோம். அது ஒரு அற்புதமான உணர்வு,” என்று அவர் மேலும் கூறினார்.
“உங்கள் ஆட்டத்தை மட்டும் விளையாடுங்கள், எந்த ஒரு அழுத்தத்தையும் சேர்க்காதீர்கள்” என்று தோனி தங்களுக்கு நல்ல அறிவுரை வழங்குவதாகவும் துபே தெரிவித்தார்.
எளிமையாக இருந்து ஒவ்வொருவருக்கும் ஆதரவு கொடுப்பதாலேயே தோனி மகத்தானவராக போற்றப்படுவதாகவும் துபே புகழாரம் சூட்டினார்.
தோனி ஐபிஎல் தொடரில் சிறப்பான ஆட்டத்தை வெளிப்படுத்தி வருகிறார். இதுவரை அவர் விளையாடிய 7 போட்டிகளில் 222 ரன்கள் எடுத்திருக்கிறார்.
அவரது தலைமையில் சென்னை சூப்பர் கிங்ஸ் அணி புள்ளிப்பட்டியலில் முதலிடத்தில் உள்ளது.