பா.ரஞ்சித் இயக்கத்தில் கடந்த 2021ஆம் ஆண்டு அமேசான் பிரைமில் வெளியான படம் சார்பட்டா பரம்பரை. ஆர்யா இப்படத்தில் கபிலன் என்கிற முக்கியக் கதாபாத்திரத்தை ஏற்று நடித்தார். கலையரசன், பசுபதி, துஷாரா விஜயன், சஞ்சனா நடராஜன், ஜான் கொக்கன், ஷபீர் உள்ளிட்டவர்கள் இந்தப் படத்தில் நடித்திருந்தார்கள். சந்தோஷ் நாராயணன் இந்தப் படத்திற்கு இசையமைத்தார்.
கொரோனா நோய் தொற்று காரணமாக திரையரங்கங்கள் மூடப்பட்டதைத் தொடர்ந்து இப்படம் அமேசான் பிரைமில் வெளியாகியது. 70களில் சென்னையில் பிரபல விளையாட்டாக இருந்த குத்துச் சண்டைப் போட்டி. அதை மையமாக வைத்து உருவான குழுக்கள், அவர்களுக்கு இடையில் சாதிய ரீதியாக இருந்த ஏற்றத்தாழ்வுகளை மையமாக வைத்து சார்பட்டா படத்தை ரஞ்சித் உருவாக்கினார். எழுத்தாளர் தமிழ் பிரபா இந்தப் படத்திற்கான திரைக்கதையை ரஞ்சித்துடன் இணைந்து எழுதினார்.
முதல் பாகம் வெளியான சில நாட்களிலேயே ரசிகர்களிடையே பெரும் வரவேற்பை பெற்றது. விமர்சகர்களாலும் பாராட்டப்பட்டது. குறிப்பாக, ஆர்யாவின் நடிப்பை ரசிகர்கள் மற்றும் விமர்சகர்கள் இருவரும் பாராட்டினர்.
இந்த வெற்றியைத் தொடர்ந்து, சார்பட்டா பரம்பரை இரண்டாம் பாகம் உருவாகும் என்று தகவல்கள் வெளியாகின. தற்போது நடிகர் ஆர்யா தனது எக்ஸ் பக்கத்தில் சார்பட்டா பரம்பரை இரண்டாம் பாகத்திற்காக கடுமையாக பயிற்சி எடுத்துக் கொள்ளும் வீடியோவை வெளியிட்டுள்ளார். இதனால் ரசிகர்கள் மகிழ்ச்சியடைந்துள்ளனர்.
இயக்குநர் ரஞ்சித் தற்போது தங்கலான் படத்தின் இறுதிக்கட்ட வேலைகளீல் பிஸியாக இருப்பதால் தனது அடுத்த படம் குறித்த தகவல்களைத் தெரிவிக்கவில்லை. விரைவில் சார்பட்டா 2 குறித்த அறிவிப்பு வெளியாகும் என ரசிகர்கள் எதிர்பார்த்து காத்துள்ளார்கள்.
சார்பட்டா பரம்பரை 2: என்னென்ன இருக்கலாம்?
முதல் பாகத்தில், கபிலன் தனது குருவுக்காக குத்துச் சண்டை போட்டி வழியாக தனக்கான அடையாளத்தை தேடிக் கொள்கிறார். இரண்டாம் பாகத்தில், கபிலன் ஒரு முழுமையான குத்துச் சண்டை வீரராக மாறி, சார்பட்டா குழுவின் தலைவராக உருவாகிறார். அவருக்கு எதிரான குழுக்களுடன் அவர் போராடுவார்.
முதல் பாகத்தில், கபிலனுக்கு உதவியாக இருந்த டான்ஸிங் ரோஸ், வேம்புலி போன்ற கதாபாத்திரங்கள் இரண்டாம் பாகத்திலும் இருக்கலாம். மேலும், புதிய கதாபாத்திரங்களும் இரண்டாம் பாகத்தில் இடம்பெறலாம்.
சார்பட்டா பரம்பரை 2: எப்போது வெளியாகும்?
இயக்குநர் ரஞ்சித் தங்கலான் படத்தை முடித்த பிறகு சார்பட்டா பரம்பரை 2 படத்தை இயக்கவுள்ளார். எனவே, 2024 அல்லது 2025ஆம் ஆண்டுகளில் சார்பட்டா பரம்பரை 2 திரையரங்குகளில் வெளியாகும் என்று எதிர்பார்க்கப்படுகிறது.
Wanna be mentally and physically strong.. #ChennaiMMA is the place 🔥🔥💪💪💪#MrX #Sarpatta2 pic.twitter.com/5eWc529Xi1
— Arya (@arya_offl) January 30, 2024