தமிழ் சினிமாவின் முன்னணி நடிகைகளில் ஒருவராக திகழ்ந்த ஸ்ரீவித்யா, 2011 ஆகஸ்ட் 25 அன்று மாரடைப்பால் உயிரிழந்தார். அவரது இறப்பு தமிழ் சினிமா உலகில் பெரும் சோகத்தை ஏற்படுத்தியது.
ஸ்ரீவித்யாவின் இறப்பு தொடர்பான இறுதி நிமிடங்கள் குறித்து அவரது உறவினர் விஜயலட்சுமி கலாட்டா பிங்க் சேனலில் அண்மையில் பேசினார். அவர் பேசும் போது,
“2003 இல் ஸ்ரீவித்யாவிற்கு கேன்சர் இருப்பது கண்டுபிடிக்கப்பட்டது. 2004 ஆம் ஆண்டு அவர் மார்பக புற்று நோய்க்கு அறுவை சிகிச்சை செய்தார். ஆனால், அந்த நோய் முழுமையாக குணமாகவில்லை. காலப்போக்கில் அது அவரது முதுகெலும்பிற்கு பரவ ஆரம்பித்துவிட்டது.
ஸ்ரீவித்யா தனது நோய் பற்றி எங்களுக்கு எதுவும் சொல்லவில்லை. சில வருடங்களுக்குப் பின்னர் தான் நாங்கள் அவருக்கு கேன்சர் இருப்பதை அறிந்தோம்.
ஸ்ரீவித்யாவின் இறுதி காலம் நெருங்கி வருவதை உணர்ந்தபோது, அவரது அண்ணனும் என்னுடைய கணவருமான சங்கரை உடனே ஸ்ரீவித்யா இருக்கும் இடத்திற்கு அனுப்பி வைத்தேன். அங்கே சென்று அவர் பார்த்த போது ஸ்ரீவித்யாவிற்கு முடி எல்லாம் கொட்டி, முகமெல்லாம் மஞ்சு நிறமாக மாறி இருந்தார். இதைப் பார்த்த சங்கர் பயங்கரமாக கத்தி இருக்கிறார்.
ஆனால், ஸ்ரீவித்யா அவரைப் பார்த்து, “ஏன் இங்கே வந்தாய்?” என்று கேட்டிருக்கிறார்.
சங்கர், “நீ என்ன செய்கிறாய்? உனக்கு உடம்பு சரியில்லை என்று பத்திரிகைகளில் செய்தி வந்தது. அதனால் தான் நான் வந்தேன்” என்று சொல்ல,
ஸ்ரீவித்யா, “நீ அங்கே சென்று உன்னுடைய குடும்பத்தை பார்த்துக் கொள்” என்று சொல்லி சமாதானம் செய்திருக்கிறார்.
அன்றைய தினம் மதியம் கமல் ஸ்ரீவித்யாவை பார்த்தார். கமல் ஸ்ரீவித்யாவின் நிலையை கண்டு மிகவும் வருத்தப்பட்டார்.
அதன் பின்னர் நாங்கள் அவரை சென்று பார்க்கும் பொழுது அவர் கண்ணெல்லாம் வெளியே வந்து, மூகமெல்லாம் மஞ்சள் படிந்து கையெல்லாம் காய்ந்து போய், சுயநினைவு இழந்து இருந்தார். சில மணி நேரங்கள் தான் அவள் உயிரோடு இருக்கப் போகிறாள் தெரிந்து விட்டது. எங்கள் கண்முன்னே அவள் உயிர்பிரிந்தது.
அதன் பின்னர் அவளை வண்டியில் ஏற்றி இறுதி ஊர்வலம் நடத்தி, 14 குண்டுகள் முழங்க அவளுக்கு எங்கள் முறைப்படி இறுதிச் சடங்கை செய்தோம்.
அவரது இறுதிச் சடங்கு செய்வதற்கு வாத்தியார்கள் வரவில்லை. கேட்டால் அவள் பிராமணர் இல்லை என்று சொன்னார்கள். ஆனால், ஸ்ரீவித்யா ஒரு பக்திமானாக இருந்தார். அவர் எப்போதும் பஜனைகளில் கலந்துகொள்வார். அவர் எந்த மதத்தையும் கண்டு கொள்ளாதவர்.
ஸ்ரீவித்யாவின் மரணம் தமிழ் சினிமாவுக்கு ஒரு பெரும் இழப்பு. அவர் ஒரு திறமையான நடிகை மட்டுமல்ல, ஒரு நல்ல மனிதர். அவரது இறுதி நிமிடங்களை நினைத்து நாங்கள் இன்னும் வருத்தப்படுகிறோம்.”
ஸ்ரீவித்யாவின் இறுதி நிமிடங்கள் குறித்த விஜயலட்சுமியின் இந்தப் பேச்சு ரசிகர்கள் மத்தியில் பெரும் அதிர்ச்சியை ஏற்படுத்தியுள்ளது.