எந்திரவது ஒரு நாள் படத்தின் இயக்குனர் வெற்றி துரைசாமி, ஹிமாச்சல பிரதேசத்தில் தனது நண்பர்களான கோபிநாத் மற்றும் தஞ்சினுடன் சுற்றுலா சென்றபோது, சட்லஜ் ஆற்றில் கார் விழுந்து காணாமல் போனதாக புகார் எழுந்தது. விபத்து எப்படி நடந்தது என்பது குறித்து அதிக தகவல்கள் இல்லை, ஆனால் டென்சின் காரை ஓட்டியதாக தகவல்கள் தெரிவிக்கின்றன.பிரதேசத்தில் விபத்தில் சிக்கி மாயமான சைதை துரைசாமியின் மகன் வெற்றி துரைசாமியின் உடல் 9 நாட்கள் தேடுதலுக்குப் பின் மீட்கப்பட்டுள்ளதாக தகவல் வெளியாகியுள்ளது.
முன்னாள் சென்னை மேயரும், மனிதநேய அறக்கட்டளை நிறுவனருமான சைதை துரைசாமியின் மகன் வெற்றி துரைசாமி (45). இவர், திருப்பூர் மாவட்டத்தை சேர்ந்த நண்பர் கோபிநாத்துடன் சில நாட்களுக்கு முன்பு இமாச்சலப் பிரதேசத்துக்கு சுற்றுலா சென்றிருந்தார். கடந்த 4-ம் தேதி மாலை கசாங் நளா பகுதியில் தேசிய நெடுஞ்சாலையில் (என்.எச்.5) சென்றபோது, திடீரென கட்டுப்பாட்டை இழந்த கார் நிலை தடுமாறி, சட்லெஜ் ஆற்றில் கவிழ்ந்தது.
இந்த விபத்தில், கார் ஓட்டுநர் தன்ஜின் சம்பவ இடத்திலேயே உயிரிழந்தார். கோபிநாத் படுகாயங்களுடன் சிகிச்சை பெற்று வருகிறார். ஆனால், காரில் பயணித்த வெற்றி துரைசாமி காணாமல் போனார். கடந்த 8 நாட்களாக அவரை தேடும் பணி நடந்து வந்தது. இமாச்சலப் பிரதேச போலீஸார், தேசிய பேரிடர் மீட்புப் படையினர், ஸ்கூபா டைவிங் வீரர்கள் உள்ளிட்ட நூற்றுக்கும் மேற்பட்டோர் தேடுதல் பணியில் ஈடுபட்டனர்.
இந்த தேடுதல் பணியின்போது, பாறை இடுக்குகளில் சேகரிக்கப்பட்ட ரத்தக்கறை மற்றும் திசுக்களின் அடிப்படையில் டிஎன்ஏ பரிசோதனை மேற்கொள்ளப்பட்டன. இந்நிலையில், 9 நாளாக வெற்றி துரைசாமியின் உடல் தேடப்பட்டு வந்த நிலையில், விபத்து நிகழ்ந்த இடத்தில் இருந்து இரண்டு கி.மீட்டர் தொலைவில், ஸ்கூபா டைவிங் வீரர்கள் அவரது உடலைக் கண்டுபிடித்துள்ளதாக தகவல் வெளியாகி உள்ளது.
மீட்கப்பட்ட வெற்றி துரைசாமியின் உடல் உடற்கூராய்வுக்காக அருகில் உள்ள மருத்துவமனைக்கு கொண்டு செல்லப்பட்டுள்ளது. இந்தத் தகவல் வெளியான நிலையில், வெற்றி துரைசாமியின் தந்தை சைதை துரைசாமி இமாச்சலப் பிரதேசம் செல்வதாகவும் தகவல் வெளியாகி உள்ளது. உடற்கூராய்வுக்குப் பின்னர், வெற்றி துரைசாமியின் உடல் சென்னைக்கு கொண்டு வரப்படும் என்று கூறப்படுகிறது.இந்நிலையில் அஜித்தின் மிக நெருங்கிய நண்பரான வெற்றி துரைசாமி என்பதும் குறிப்பிடதக்கது .
அவர் ஒரு அரசியல்வாதியின் மகன் மற்றும் வரவிருக்கும் திரைப்படத் தயாரிப்பாளராக இருந்தார். விதார்த், ரம்யா நம்பீசன், இளவரசு, மாஸ்டர் ராகவன், டயானா விஷாலினி மற்றும் ராஜேஷ் பாலச்சந்திரன் ஆகியோருடன் 2021 ஆம் ஆண்டு வெளியான எந்திரவது ஒரு நாள் திரைப்படத்தின் மூலம் அவர் இயக்குநராக அறிமுகமானார். திரையரங்குகளில் வெளியாவதற்கு முன்பே இப்படம் பல்வேறு திரைப்பட விழாக்களில் திரையிடப்பட்டு 43 விருதுகளை வென்றது.