தமிழ் சினிமாவில் பல அவமானங்களை சந்தித்து படிப்படியாக முன்னேறியவர் விஜயகாந்த். நல்ல நடிகராக இருக்க வேண்டும் என்பதை விடவும் நல்ல மனிதர் என பெயர் எடுக்க வேண்டும் என்பதுதான் விஜயகாந்தின் எண்ணமாக இருந்தது.
1980-களில் விஜயகாந்த் சினிமாவில் தோல்வியடைந்து கொண்டிருந்தார். அந்த நேரத்தில் அவரது திருமணம் குறித்து அவரது குடும்பத்தினர் யோசித்தனர். சினிமா துறையில் இல்லாத ஒருவரையே விஜயகாந்த் திருமணம் செய்ய வேண்டும் என்று அவர்கள் விரும்பினர்.
விஜயகாந்தின் சொந்த ஊரான மதுரையிலேயே அவருக்கு பெண் கிடைக்கவில்லை. அதன்பின் வேலூர் குடியாத்தத்தில் கிடைத்த பெண்தான் பிரேமலதா.
பிரேமலதா ஒரு பள்ளி ஆசிரியை. அவர் மிகவும் அழகாகவும், நல்ல குணம் கொண்டவளாகவும் இருந்தாள். விஜயகாந்தின் குடும்பத்தினர் அவளை பார்த்துவிட்டு, அவளே விஜயகாந்துக்கு ஏற்ற மனைவி என்று முடிவு செய்தனர்.
ஆனால், விஜயகாந்தோ தடுமாற்றத்திலேயே இருந்தார். அவர் சினிமாவில் தோல்வியடைந்து கொண்டிருந்ததால், திருமணம் செய்து கொள்வது குறித்து அவருக்கு சந்தேகம் இருந்தது.
விஜயகாந்துக்கு ஜோசியத்தின் மீது அதிக நம்பிக்கை உண்டாம். எனவே, பிரேமலதாவின் ஜோதிடத்தை ஜோதிடரிம் கொடுத்து ‘இந்த பெண்ணை திருமணம் செய்தால் உன் வாழ்க்கை நன்றாக இருக்கும் என விஜயகாந்திடம் சொல்லுங்கள்’ என அவரின் குடும்பத்தினர் சொன்னார்களாம்.
அவரும் அப்படியே சொல்ல பெண் பார்க்க போனார் விஜயகாந்த். அவருக்கும் பிரேமலதாவை பிடித்துப்போக உடனே சம்மதம் சொல்லிவிட்டார். இப்படித்தான் விஜயகாந்தின் வாழ்வில் பிரேமலதா வந்துள்ளார் என சொல்லப்படுகிறது.
1982 ஆம் ஆண்டு விஜயகாந்த் – பிரேமலதா திருமணம் நடந்தது. திருமணத்திற்கு பிறகு, விஜயகாந்தின் வாழ்க்கையில் சூரிய உதயமானது. அவர் தொடர்ந்து வெற்றிப் படங்களை கொடுத்து, தமிழ் சினிமாவின் முன்னணி நடிகராக உயர்ந்தார்.
விஜயகாந்துக்கும், பிரேமலதாவுக்கும் இரண்டு மகன்கள் உள்ளனர். அவர்கள் விஜய பிரபாகரன் மற்றும் சண்முக பாண்டியன்.
விஜயகாந்த் – பிரேமலதாவின் திருமணம் 40 ஆண்டுகளுக்கும் மேலாக நீடித்து வருகிறது. அவர்கள் ஒருவரை ஒருவர் மிகவும் நேசித்து வாழ்ந்து வருகின்றனர்.