கோவையில் இருந்து புறப்பட்ட ஆதியோகி ரதம், மார்ச் 4-ம் தேதி வரை திருச்சி மற்றும் அதன் சுற்றுவட்டார பகுதிகளில் வலம் வர உள்ளது.
மேலும், மார்ச் 8-ம் தேதி கோவை ஈஷா யோக மையத்தில் நடைபெறும் மஹா சிவராத்திரி விழா, திருச்சி உட்பட 8 இடங்களில் நேரலை ஒளிப்பரப்புடன் கொண்டாடப்பட உள்ளது.
பத்திரிகையாளர் சந்திப்பு:
இது தொடர்பான பத்திரிகையாளர் சந்திப்பு இன்று திருச்சி பிரஸ் கிளப்பில் நடைபெற்றது.
தென் கைலாய பக்தி பேரவை:
தென் கைலாய பக்தி பேரவையின் தன்னார்வலர் திரு. ராஜ் பிரகாஷ், பத்திரிகையாளர் சந்திப்பில் பேசியதாவது:
ஆதியோகி ரத யாத்திரை ஆண்டுதோறும் மஹாசிவராத்திரி விழாவிற்கு பக்தர்களை அழைக்கும் விதமாக நடத்தப்படுகிறது.
இந்த ஆண்டு ரத யாத்திரை ஜனவரி 5-ம் தேதி கோவையில் தொடங்கியது.
4 ரதங்கள் 60 நாட்களில் 35,000 கி.மீ தூரம் பயணிக்கும்.
ஒரு ரதம் பிப்ரவரி 22-ம் தேதி ஜெயங்கொண்டம், 23-25ம் தேதி கும்பகோணம், 26ம் தேதி தஞ்சாவூர், 27 & 28ம் தேதி அரியலூர், 29ம் தேதி பெரம்பலூர், மார்ச் 1ம் தேதி முசிறி, 2ம் தேதி குளித்தலை வழியாக மார்ச் 3 & 4ம் தேதி திருச்சி நகரில் வலம் வரும்.
கோவைக்கு வர முடியாதவர்கள் தங்கள் ஊரிலேயே ஆதியோகியை தரிசிக்கலாம்.
மஹா சிவராத்திரி விழா நேரலை ஒளிப்பரப்பு:
இந்தாண்டு, கோவை தவிர 36 இடங்களில் மஹாசிவராத்திரி விழா நேரலை ஒளிப்பரப்பு மூலம் கொண்டாடப்படும்.
திருச்சியில் சத்திரம் பேருந்து நிலையம் அருகே உள்ள தாஜ் திருமண மண்டபம் மற்றும் பெல் பகுதியில் உள்ள வி.எம். மஹாலில் மார்ச் 8ம் தேதி மாலை 6 மணி முதல் மறுநாள் காலை 6 மணி வரை நேரலை ஒளிப்பரப்பு செய்யப்படும்.
கும்பகோணம், பட்டுக்கோட்டை, பேராவூரணி, மயிலாடுதுறை, அரியலூர், நெய்வேலி ஆகிய ஊர்களிலும் விழா கொண்டாடப்படும்.
அனைத்து இடங்களிலும் பக்தர்களுக்கு மஹா அன்னதானம் வழங்கப்படும்.
விழாவில் பொதுமக்கள் அனைவரும் இலவசமாக பங்கேற்கலாம்.
பங்கேற்பாளர்கள்:
பத்திரிகையாளர் சந்திப்பில் தென் கைலாய பக்தி பேரவையின் தன்னார்வலர்கள் திரு.சந்திரன் மற்றும் திரு.சீனிவாசன் ஆகியோரும் பங்கேற்றனர்.