சென்னை கிண்டியில் உள்ள ரேஸ் கோர்ஸ் மைதானத்தில் இன்று மாலை 6 மணிக்கு கலைஞர் நூற்றாண்டு விழா தொடங்குகிறது. இந்த விழாவை முன்னிட்டு, பல்வேறு ஏற்பாடுகள் நடந்து வருகின்றன.
விழாவில், முதலமைச்சர் மு.க.ஸ்டாலின், நடிகர்கள் ரஜினி, கமல், சூர்யா, தனுஷ், விக்ரம், சிவகார்த்திகேயன் உள்ளிட்ட பல பிரபலங்கள் பங்கேற்க உள்ளனர். மறைந்த நடிகரும், தேமுதிக தலைவருமான விஜயகாந்துக்கு மௌன அஞ்சலி செலுத்தும் நிகழ்வும் நடைபெறும்.
கலைஞர் கருணாநிதி தனது எழுத்து மற்றும் வசனங்களால் தமிழ் திரையுலகில் தனக்கென தனி இடம் பிடித்தவர். அவரது நூற்றாண்டு விழாவை சிறப்பிக்கும் வகையில், இந்த பிரம்மாண்ட விழா நடத்தப்படுகிறது.
இந்த விழாவில், தென்னிந்திய பிரபலங்கள் பங்கேற்பார்கள் என்பதில் சந்தேகமே இல்லை. அதன்படி, இந்தி திரையுலகில் இருந்து அமிதாப் பச்சன், மலையாள திரையுலகில் இருந்து மோகன் லால், மம்முட்டி ஆகியோருக்கும் கன்னட பட உலகிலிருந்து சிவராஜ் குமார், தெலுங்கு திரையுலகிலிருந்து சிரஞ்சீவி உள்ளிட்டோருக்கு அழைப்பு விடுக்கப்பட்டுள்ளது.
விழாவில், கலைஞர் கருணாநிதியின் வாழ்க்கை வரலாறு, அவரது படைப்புகள் மற்றும் அரசியல் பணிகள் குறித்த நிகழ்ச்சிகள் நடைபெறும். மேலும், கலைஞரின் நினைவாக ஒரு நினைவுச் சின்னம் அமைக்கப்படும் என்று அறிவிக்கப்பட்டுள்ளது.
கலைஞர் நூற்றாண்டு விழாவை முன்னிட்டு, சென்னை முழுவதும் பல்வேறு இடங்களில் விளம்பரங்கள் மற்றும் போஸ்டர்கள் ஒட்டப்பட்டுள்ளன. விழாவில் பங்கேற்க காலையிலேயே ரசிகர்கள் கூட்டம் அலைமோத தொடங்கியுள்ளது.