தமிழ்நாடு முழுவதும் பாதுகாப்பு பணியில் 21 ஆயிரம் போலீசார்
அகவிலைப்படி உயர்வு உள்ளிட்ட கோரிக்கைகளை வலியுறுத்தி தமிழ்நாடு அரசுப் போக்குவரத்து தொழிற்சங்கங்கள் காலவரையற்ற வேலைநிறுத்தத்தில் ஈடுபட்டுள்ளன. இதனையடுத்து, தமிழ்நாடு முழுவதும் பொதுமக்களின் பாதுகாப்பு மற்றும் சட்டம் ஒழுங்கை நிலைநாட்ட 21 ஆயிரம் போலீசார் பாதுகாப்பு பணியில் ஈடுபடுத்தப்பட்டுள்ளனர்.
போக்குவரத்துத் துறை அமைச்சர் எஸ்.எஸ்.சிவசங்கருடன் நடைபெற்ற முத்தரப்பு பேச்சுவார்த்தை தோல்வி அடைந்ததையடுத்து, இன்று நள்ளிரவு 12 மணி முதல் வேலைநிறுத்தம் தொடங்கியது. அண்ணா தொழிற்சங்க பேரவை, சிஐடியு, ஏஐடியுசி உள்ளிட்ட தொழிற்சங்கங்கள் இந்த வேலை நிறுத்தத்தில் ஈடுபட்டுள்ளன.
வேலைநிறுத்தத்தால், தமிழ்நாடு முழுவதும் அரசுப் பேருந்துகள் இயக்கப்படவில்லை. இதனால், பொதுமக்கள் அவதிப்படுகின்றனர்.
வேலைநிறுத்தத்தைத் தொடர்ந்து, பொதுமக்களின் பாதுகாப்பு மற்றும் சட்டம் ஒழுங்கை நிலைநாட்ட தமிழ்நாடு முழுவதும் பாதுகாப்பு பணியில் 21 ஆயிரம் போலீசார் ஈடுபடுத்தப்பட்டுள்ளனர். பணிமனையிலிருந்து பேருந்துகளை இயக்கும்போது தடுத்தால், சட்டப்படி நடவடிக்கை எடுக்கப்படும் என தெரிவிக்கப்பட்டுள்ளது. பொதுமக்களின் பாதுகாப்பு மற்றும் சட்டம் ஒழுங்கை சீர்குலைக்கும் வகையில் நடந்துகொண்டால் கடும் நடவடிக்கை பாயும் எனவும் எச்சரிக்கை விடப்பட்டுள்ளது.
வேலைநிறுத்தம் எப்போது முடியும்?
வேலைநிறுத்தத்தை முடிவுக்குக் கொண்டுவர, அரசு தொழிற்சங்கங்களின் கோரிக்கைகளை நிறைவேற்ற வேண்டும் என்று தொழிற்சங்கங்கள் வலியுறுத்தி வருகின்றன. அரசு எந்த முடிவை எடுக்குமோ, அதன் அடிப்படையில் வேலைநிறுத்தம் எப்போது முடியும் என்பதை தீர்மானிக்க முடியும்.