தமிழ் சினிமாவின் முன்னணி நடிகர்களான அஜித் மற்றும் விஜய் இருவரும் ஒரே காலகட்டத்தில் அறிமுகமாகி, வெற்றிக்கனியை பறித்தவர்கள். இருவரும் வெவ்வேறு பாணிகளில் நடித்து, தங்களுக்கென தனி ரசிகர் பட்டாளத்தை உருவாக்கி உள்ளனர்.
விஜய்யின் தந்தை எஸ்.ஏ.சந்திரசேகர் தனது சொந்த செலவில் படம் தயாரித்து மகனை அறிமுகப்படுத்தினார். ஆனால், அது வெற்றி பெறவில்லை. இதையடுத்து, மற்ற இயக்குனர்கள் மற்றும் தயாரிப்பாளர்களிடம் சென்று உதவி கேட்டார். அப்போது முன்னணி நடிகர்களாக இருந்த சரத்குமார், சத்தியராஜ், பார்த்திபன் போன்றோர் விஜயை தங்கள் படங்களில் நடிக்க வைக்க மறுத்துவிட்டனர். விஜயகாந்த் மட்டுமே விஜயை தனது செந்தூரப்பாண்டி படத்தில் நடிக்க வாய்ப்பு வழங்கினார்.
அமராவதி படம் மூலம் அறிமுகமான அஜித், பல படங்களில் சாக்லேட் பாய் பாத்திரத்தில் நடித்து வந்தார். பில்லா, மங்காத்தா போன்ற படங்கள் அவரை முன்னணி நடிகராக மாற்றின. ஒரு கட்டத்தில், ரஜினிகாந்த் – கமல்ஹாசன் போன்ற போட்டி நடிகர்களின் வரிசையில் அஜித் – விஜய் இருவரும் இணைந்தனர்.
நேரில் சந்தித்தால் சிரித்துக்கொண்டே பேசினாலும், உள்ளுக்குள் இருவரும் ஒருவரை ஒருவர் பார்த்து போட்டி போட்டுக்கொள்கிறார்கள். வசூலில் விஜய்க்கு அடுத்த இடத்தில் இருந்த அஜித், தற்போது சம்பளத்திலும், வியாபாரத்திலும் விஜயை நெருங்கிவிட்டார். விஜயின் வாரிசு படம் வெளியான அதே நாளில் தனது துணிவு படத்தையும் வெளியிட்டார்.
இருவரும் இணைந்து ஒரு படம் நடிக்க வேண்டும் என்று சில இயக்குனர்கள் ஆசைப்படுகின்றனர். ஆனால், அது நடக்குமா என்பதுதான் தெரியவில்லை. வெங்கட்பிரபு கூட அதற்கான முயற்சியில் ஈடுபட்டார். ஆனால், அதுவும் நடக்கவில்லை.
பல வருடங்களுக்கு முன்பு ஒரு நிருபர் அஜித்தை, “விஜயுடன் இணைந்து நடிப்பீர்களா?” என்று கேட்டதற்கு, “முதலில் விஜய் மற்றும் என்னுடைய ரசிகர்கள் அதுக்கு ஆசைப்படணும். ரெண்டு பேரும் சேர்ந்து நடிக்கிற மாதிரி கதை அமையணும். கதை டிமாண்ட் பண்ணா கண்டிப்பா நடிப்பேன்” என்று கூறியிருந்தார்.
இது வழக்கமா எல்லா நடிகர்களும் சொல்வதுதான். ஆனால், அஜித் – விஜய் இருவரும் இணைந்து நடிக்க வாய்ப்பே இல்ல என்பதுதான் நிதர்சனம்.இருவரும் இணைந்து நடிக்காததற்கு பல காரணங்கள் உள்ளன.
தனி ரசிகர் பட்டாளம்: இருவரும் வெவ்வேறு பாணிகளில் நடித்து, தங்களுக்கென தனி ரசிகர் பட்டாளத்தை உருவாக்கி உள்ளனர். இந்த ரசிகர்கள் இருவரையும் இணைந்து நடிக்க விரும்புவதில்லை.
வணிக ரீதியான சவால்கள்: இருவரும் இணைந்து நடித்தால், படத்தின் வணிக வெற்றிக்கு சவால்கள் ஏற்படும். ஒருவரது ரசிகர்கள் மற்றொருவரை ஏற்றுக்கொள்ள மாட்டார்கள்.
நடிகர்களின் தனிப்பட்ட விருப்பம்: இருவரும் இணைந்து நடிக்க விருப்பம் இல்லாமல் இருக்கலாம்.இருவரும் இணைந்து நடிக்க வாய்ப்பே இல்ல என்று கூறினாலும், எதிர்காலத்தில் ஏதாவது ஒரு சூழ்நிலையில் இருவரும் இணைந்து நடிக்க வாய்ப்பு இருக்கலாம்.